Dúnıejúzi qazaqtary qaýymdastyǵynyń
Parlament Májilisi men barlyq deńgeıdegi máslıhattar depýtattarynyń saılaýlaryn merziminen buryn ótkizý týraly bastamany qoldaý týraly MÁLIMDEMESI
Dúnıejúzi qazaqtarynyń qaýymdastyǵy depýtattardyń Parlament Májilisi men barlyq deńgeıdegi máslıhattardyń saılaýyn merziminen buryn ótkizý týraly bastamany qoldaýdy óziniń azamattyq boryshy dep sanaıdy. Táýelsizdik tańy atar tusta, eń alǵashqy qoǵamdyq uıymdardyń biri bolyp qurylǵan Dúnıejúzi qazaqtarynyń qaýymdastyǵy Qazaqstannyń atamekennen jyraqta turatyn álem qazaqtarymen ózara baılanysyn qamtamasyz etedi. Azattyqtyń alǵashqy kúnderinen bastap elimizge álemniń ár qıyrynan 1 mıllıonǵa jýyq qandasymyz kóship keldi. Búginde olar qoǵamnyń túrli salacynda jemisti eńbek etip, qasterli Qazaqstanymyzdyń damýyna súbeli úlesterin qosýda. Sonymen birge, shet memleketterde turatyn baýyrlarymyzben tyǵyz rýhanı qatynas ornady. Qazir Uly Dala elinen tysqary jerdegi árbir qazaq tarıhı Otanynyń qamqorlyǵyn sezinýde. Olar atamekeniniń ósip-órkendep, «Máńgilik El» bolýyna tilektes. Bul bes ınstıtýttyq reformany júzege asyrýdyń Ult Jospary men daǵdarysqa qarsy strategııanyń tabysty júzege asýyna tikeleı baılanysty. Elimiz úshin taǵdyrly mańyzy bar osy eki mindetti múltiksiz oryndaý úshin halyqtyń jańa senim mandatyna ıe bolǵan prezıdenttik reformalar Parlamenti qajet. Osyny eskere otyryp, Dúnıejúzi qazaqtarynyń qaýymdastyǵy Májilis pen barlyq deńgeıdegi máslıhattar depýtattarynyń saılaýyn merziminen buryn ótkizý týraly bastamany tolyǵymen qoldaı otyryp, barsha otandastarymyzdy onyń júzege asýyna úles qosýǵa shaqyrady.
