«Qazaqstan-2050» jalpyulttyq qozǵalysynyń ÚNDEÝI

«Qazaqstan-2050» jalpyulttyq qozǵalysynyń barlyq músheleri atynan Parlament depýtattarynyń Parlament Májilisiniń jáne barlyq deńgeıdegi máslıhattardyń saılaýlaryn ótkizý týraly bastamasyna qoldaý kórsetemiz. Bizdiń qozǵalys barlyq salalarda jetekshi sarapshylar bolyp tabylatyn belsendi jáne bastamashyl azamattardy biriktiredi. Bizdiń mindetimiz – «100 naqty qadam» Ult Jospary jáne Memleket basshysynyń «Qazaqstan jańa jahandyq naqty ahýal­da: ósim, reformalar, damý» atty Joldaýy basty baǵdar bolyp tabylatyn elimizdiń jáne óńirlerdiń mańyzdy áleýmettik-ekonomıkalyq mindetterin sheshýge jumyldyrý. Biz daǵdarysqa qarsy jańa baǵdarlama qabyldanǵaly otyrǵanda merziminen buryn saılaý ótkizý durys jáne der kezinde qabyldanǵan sheshim bolyp tabylady dep esepteımiz. Parlament Májilisiniń qazirgi quramy elimizdi jáne qoǵamdy damytý úshin kóp is tyndyrdy. Onyń jumys qorytyndysynda Ult Josparyn is júzine asyrý sheńberinde 2016 jyldyń basynan bastap, biz azamattyq qoǵamdy jáne bıznesti damytý úshin úlken tyń múmkindikter ashatyn jańa zańdarmen ómir súre bastadyq. Sonymen birge, merziminen buryn saılaý ótkizý bizdiń qoǵamymyzdy toptastyrady jáne bizdiń ekonomıkamyz úshin jáne búkil elimiz úshin qorǵanys sharalary bolyp tabylatyn daǵdarysqa qarsy sharalardy is-júzine asyrýǵa jańa jigermen kirisýge múmkindik beredi. Biz barlyq qoǵamdyq uıymdardy, saıası partııalardy bizge qosylýǵa jáne depýtattardyń bastamasyn qoldaýǵa shaqyramyz.