«Atameken» Ulttyq kásipkerler palatasynyń Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń saılaýlaryn merziminen buryn ótkizý jónindegi bastamany qoldaý týraly
MÁLIMDEMESI
Qazaqstannyń Ulttyq kásipkerler palatasy Qazaqstan Respýblıkasy Parlamenti depýtattarynyń elde merziminen buryn parlamenttik jáne barlyq deńgeıdegi máslıhattardyń saılaýyn ótkizý týraly Úndeýin tolyǵymen qoldaıdy. Biz jahandyq ekonomıkalyq qaterlerdiń aldyn alýǵa jaýap retinde Memleket basshysy usynǵan daǵdarysqa qarsy sharalardy shuǵyl is júzine asyrýdy barynsha qoldaımyz. О́tkiziletin saılaýdyń mańyzdylyǵy alda turǵan reformalardyń aýqymyn aıqyndaıdy. «100 naqty qadam» Ult Jospary kásipkerlikti damytýǵa erekshe basymdyq beredi, ınvestısııa tartýdyń belsendiligin arttyryp, qolaıly bıznes-ahýal qalyptastyrýǵa jaǵdaı jasaıdy. Memleket jáne kásipkerlerdiń áriptestigi men yntymaqtastyǵynyń jańa qaǵıdalary senimdi ekonomıkalyq ósim úshin tyń múmkindikter ashyp, berik áleýmettik kepildikterdi qamtamasyz etedi. Biz tek birikken kúsh-jigerimizdiń arqasynda ǵana zań shyǵarýshy bıliktiń jańa senim mandatyna ıe myqty jáne uıymdasqan azamattyq tuǵyrnama qalyptastyratyndyǵymyzǵa senimdimiz. Osyǵan baılanysty elimizdiń barlyq azamattaryn bıznes jáne saıası partııa ókilderin aldaǵy saılaýdy qoldaýǵa jáne bizdiń memleketimizdiń turaqty túrde damýyna jáne turaqtylyǵynyń nyǵaıýyna óz úlesterin qosýǵa shaqyramyz
