Sýretshi Mıkelandjelo syılyǵyn aldy

Halyqaralyq «Shabyt» shyǵarmashyl jastar festıvaliniń laýreaty Renat Elýbaev Italııanyń astanasy Rım qalasynda ótken halyqaralyq sýretshiler baıqaýynda jeńiske jetti. Baıqaýǵa 170-ke jýyq qyl­qalam sheberleri qa­tysty. Kon­kýrsqa ol ulttyq naqyshtaǵy sýret­terin usyndy. Osy týyn­dylary tóreshilerge unap, onyń kar­tınalary qazylardyń sheshi­mimen úzdik dep ta­nyldy. Baıqaýda Renat Elýbaev Halyq­aralyq Mıkelandjelo Moıseı músinshesin aldy. Sóıtip, talantty otandasymyz qazaqtan tuńǵysh ret Halyqaralyq Mıkelandjelo syılyǵynyń ıegeri atandy. «Mundaı úlken syılyqtar ártisterge, ánshilerge beriledi. Al, sýret biz úshin tań­syq dúnıe. Bul baıqaýǵa jer-júziniń barlyq elderinen qyl­qalam sheberleri qatysady. Qa­zylar solardyń sýret­terine qarap, baǵalaryn beredi. Qasterli músinshege laıyqtylar ǵana ıe bolady. Sol syılyq maǵan buıyrdy», deıdi Renat Elýbaev. Moıseı músinshesi – Mıke­landjelo Býonarrotı jasaǵan ataqty músinniń kishkentaı kóshirmesi. Onyń tarıhyn aıtsaq, 1505 jyly Iýlıı II Rım Papasy uly sheberdi shaqyryp alyp, qulpytas jasaýdy tapsy­rady. Mıkelandjelo músindi jasaıdy. Sol kezde Moı­seı músini Rımdegi eń baǵaly týyndy dep tanylady. Renat Elýbaev ımpressıonıstik modern baǵytynda sýret salady. Impressıonızm «erkindik», «bir sáttik» degen maǵynany bildiredi. Byltyr ol «Realızmnen alshaq» janr boıynsha Belarýste ótken «Kýrshınale-2015» halyqaralyq óner olımpıadasynda «Sýret óneri» atalymynda bas júldeni jeńip alǵan. Odan keıin AQSh-tyń Nıý-Iork qalasynda ótken «New York Realism» fine art» atty beıneleý óneri sheberleriniń halyq­aralyq baıqaýynda «Altyn qyran» medalin ıelendi. Qazir Renat «Astana Opera» memlekettik opera jáne balet teatrynda jumys isteıdi. Dastan KENJALIN, «Egemen Qazaqstan».