Kanadaǵa úsh aı ishinde Sırııadan 10 myń bosqyn keldi

ASTANA. 14 qańtar. 2015 jyldyń qarasha aıynan búginge deıin Sırııadan Kanadaǵa kelgen bosqyndar sany 10 myń adamǵa jetti. Bul týraly TASS aqparat agenttigine silteme jasaǵan egemen.kz tilshisi habarlady. Qazirgi kezde qonys aýdarǵandardyń 5 myńǵa jýyǵy tolyq qarjylandyryldy. Halyq arasynda ótkizilgen is-sharalardyń, jeke tulǵalardyń qaıyrymdylyq retinde bergen kómeginiń, sondaı-aq, memlekettiń bólgen qarjysynyń arqasynda olardyń jaǵdaıy bir qalypqa tústi. О́tken jyldyń 4 qarashasynan beri kanadalyq BBC ushaǵy Iordanııa, Lıvan elderinen arnaıy bosqyndardyń qonys aýdarýyna múmkindik jasady. Kanadanyń kóshi-qon, bosqyndar men azamattyq berý isine jaýapty mınıstri Djon Makkalým ótken jyly jeltoqsan aıynyń sońynda, 2016 jyldyń 1 naýryzyna deıin 25 myń sırııalyqtar kóship keletinin málimdegen. Alaıda, jeltoqsan aıynyń basynda, Sırııadan kelgen 35 myń adamdy qabyldap, tolyq jaǵdaı jasaýǵa múmkinshiligi bar ekenin aıtqan bolatyn: 25 myń bosqynǵa memleket tarapynan járdem kórsetilse, qalǵanyna turǵyndar arasynan bólingen qaıyrymdylyqtan kómek kórsetilmek. Djon Makkalým, sondaı-aq, jyl sońyna deıin Taıaý Shyǵys elderinen 50 myń adamnyń kelýi múmkin ekenin aıtty. Aıta keteıik, premer-mınıstrlik laýazymyna saılaýaldy baǵdarlamasynda Djastın Trıýdo 2015 jyldyń 31 jeltoqsanyna deıin 25 myń sırııalyq bosqyndy kóshirýge barynsha jaǵdaı jasalatynyn málimdegen. Aıan Ábdýálı. Derek: TASS. Sýret: zmiya.com.ua.