AQSh bosqyndar úshin 70 mıllıon dollar qarjy bóledi

ASTANA. 14 qańtar. AQSh prezıdenti Barak Obama arnaıy túrde bosqyndarǵa kómek kórsetý úshin qurylǵan memlekettik qordan 70 mıllıon dollar qarjy bólinetini týraly málimdedi. Bul týraly TASS aqparat agenttigine silteme jasaǵan egemen.kz tilshisi habarlady. Barak Obama bul isti memlekettik hatshy Djon Kerrıge tapsyrdy. «Bólingen qarjy bosqyndar men mıgranttardyń Qurama Shtattarǵa ótý baǵdarlamasy júzege asqannan keıin qajettilikterine jumsalady» dep prezıdent baspasóz qyzmeti habarlady. 2015 jyly 30 qyrkúıek kúni AQSh-qa 85 myń bosqyn qonys aýdardy. Bul kórsetkish josparlanǵan mejeden 10 myńǵa kóp. Al osy jyly 100 myńǵa deıin barady dep kútilýde. Sońǵy úsh jyl ishinde Qurama Shtatarda bosqyndarǵa beriletin kvota sany 70 myńnan az bolǵan emes. О́tken jyldyń kúzinde prezıdent ákimshiligi gýmanıtarlyq kómek retinde Sırııadan kelgen bosqyndarǵa 419 mıllıon dollar qarjy bólinetinin málimdegen. Prezıdent úıiniń baspasóz hatshysy Djosh Ernest Birikken Ulttar Uıymynyń arnaıy qurylǵan mekemesi arqyly qarjynyń iske asyrylatynyn aıtty. Sondaı-aq, onyń aıtýynsha, Sırııadaǵy qaqtyǵys oqıǵalar bastalǵaly el halqyna AQSh basshylyǵy gýmanıtarly túrde 4,5 mıllıard dollar kómek kórsetken. Aıan Ábdýálı. Derek: TASS. Sýret: zn.ua.