О́skemende sý tólemaqysy arzandaıdy

О́SKEMEN. 19 qańtar. Shyǵys Qazaqstan oblysynyń ortalyǵynda sý arnasy qyzmetiniń tarıfteri qaıta qaraldy. Bul týraly egemen.kz tilshisi habarlady. 2016 jyldyń 1 qańtarynan bastap sýmen qamtamasyz etý qyzmetiniń baǵamy qosymsha qun salyǵyn eseptemegende 3,9 paıyzdan 5,5 paıyzǵa tómendedi. О́skemenniń ulttyq baspasóz klýbynda ótken brıfıng barysynda «О́skemen Sý arnasy» MKK men «О́skemen GES AES» JShS energııa óndirýshi kompanııasymen kelisim bekitkeni belgili boldy. О́skemenniń sý tartý jáne sýmen qamtý júıesin qamtamasyz etýge kúndelikti 5,5 megavat elektr qýaty jumsalady. «О́skemen GES-i janymyzda turǵandyqtan, tasymaldaýǵa kóp shyǵyn jumsalmaıdy. Ortasha tarıftiń shyǵyndaryn qaıta eseptegennen keıin elektr qýaty ótken jylmen salystyrǵanda 1 kVt-qa tómendedi. Bul halyqqa arnalǵan tarıfti azaıtýǵa múmkindik beredi», – deıdi «О́skemen Sý arnasy» MKK dırektory Erjan Áýbákirov. Nátıjesinde, 1 qańtar men 31 mamyr aralyǵynda halyqqa arnalǵan sýmen qamtý baǵamy 45 teńgeden 42,53 teńgege deıin tómendese, sý tartý boıynsha tarıf 39 teńgeden 37,49 teńgege deıin tómendedi. Erjan Áýbákirovtyń aıtýynsha, eski baǵam boıynsha tólemaqy jasaǵan qala turǵyndarymen jańa tarıf boıynsha esep aıyrysý júrgiziledi. Aıta ketý kerek, tarıftiń tómendeýine baılanysty jeke sý esepteý quraly joq bir adamnan alynatyn tólemaqy sýmen qamtý úshin 362,21 teńgeni, sý tartý úshin 453,39 teńgeni quraıdy. Tólemaqynyń jalpy somasy qos qyzmettiń 39,30 teńgege tómendeýimen 815,60 teńgege teń bolady. Dýman Anash. Derek, sýret: egemen.kz.