Australian Open týrnırinde Zarına Dıas birinshi aınalymnan asa almady

ASTANA. 19 qańtar. Avstralııada ótip jatqan tennısten Australian Open týrnırinde qazaqstandyq sportshylar ala-qula oınaýda. Eki tennısshimiz alǵashqy aınalymnan asa almasa, ekeýi jarysty jalǵastyratyn boldy. Bul týraly egemen.kz tilshisi habarlady. Áıelder arasyndaǵy synda el namysyn Zarına Dıas, Iýlııa Pýtınseva jáne Iаroslava Shvedova qorǵasa, erler básekesinde jalǵyz Mıhaıl Kýkýshkın báske tústi. О́kinishke qaraı, elimizdiń birinshi raketkasy, týrnırge WTA reıtıngine baılanysty 52-raketka retinde qatysqan, 22 jastaǵy Zarına Dıas birinshi aınalymda amerıkalyq Medıson Kızden jeńildi. Qarsylasyna eki sette 6:7, 1:6 esebimen ese jibergen otandasymyz jarysty erte aıaqtaýǵa májbúr boldy. Búginde 20 jastaǵy Medıson Kız álemdik reıtıngte 17-orynda turǵanyn atap ótken jón. Sondaı-aq, Mıhaıl Kýkýshkın de birinshi kezdesýinde jeńilis tapty. Ol portýgal Joaý Soýzden 3:6, 4:6, 3:6 esebimen jeńildi. Qazirgi tańda Kýkýshkın ATR tiziminde 94-satyda tursa, Soýz 33-orynǵa taban tiregen. Qazaqstandyqtar arasynda alǵashqy aınalymda eń tájirıbeli ári myqty qarsylasqa tap bolǵan Iýlııa Pýtınseva edi. О́ıtkeni, álemniń 76-raketkasy Iýlııanyń «á» degende 18-orynda turǵan dat qyzy Karolına Voznıaskımen joly túıisti. Alaıda, birinshi sette 1:6 esebimen jol bergen Pýtınseva ekinshi sette taı-breık arqyly jeńiske jetti. Al sheshýshi sette qazaqstandyq 6:4 esebimen basym túsip, sensasııalyq jeńiske qol jetkizdi. Endi ekinshi aınalymda Iýlııa Pýtınseva Qytaı senim artqan Han Sınıýnmen kúsh synasady. Sonymen qatar, Iаroslava Shvedova da birinshi aınalymnan súrinbeı ótti. Ol alǵashqy kezdesýinde bolgarııalyq Svetana Pıronkovany 6:4, 6:4 esebimen jeńdi. Endi ekinshi aınalymda Iаroslava Medıson Kızben kezdesip, Zarınanyń esesin qaıtaryp kóredi. Elaman Qońyr. Derek: egemen.kz. Sýret: sports.ru.