PAVLODAR. 19 qańtar. Eýrazııalyq Top (ERG) quramyna kiretin «Eýroazıattyq energetıkalyq korporasııasy» aksıonerlik qoǵamy «Shyǵys» kenishiniń tehnıkalyq parki Atlas Copco kompanııasynyń FlexiROC D65 jańa burǵylaý beldigimen tolyqty
. Bul týraly egemen.kz habarlady.
Kenishtiń tehnıkalyq qyzmetiniń habarlaýynsha, jańa qurylǵy merzimi ótip ketken 5SBSh-200 burǵylaý beldigin almastyrady. Quny 213 mıllıon 755 teńge. О́nim ónimdiligin arttyrady. Jańa qurylǵy qaýipsiz. Halyqaralyq standarttarǵa saı. Operatordyń oryndyǵy adamnyń boıy men salmaǵyna laıyqtalǵan. Burǵylaý kezinde aınalanyń barlyǵy anyq kórinedi. Mashına kabınasy jyly, jaryq ári salqyndatqyshpen qamtamasyz etilgen, shý az. Operatordyń tez sharshap, qatelikter jiberýine jol bermeıdi. Beldiktiń qozǵaltqyshty jáne kompressordy retteý-baqylaý júıesi, shańbasý jáne aldyn ala tazalaý júıesi bar.
Qazirgi kezde «Shyǵys» kenishinde osyndaı 12 burǵylaý beldikteri jumys jasaıdy. Olardyń barlyǵy «EEK» AQ «Shyǵys» kenishiniń qıyn taý-ken geologııalyq jaǵdaılarynda, burǵylaý jumystarynyń joǵary deńgeıde oryndalýyn qamtamasyz etedi.
Al, óńirdegi Aqsý qalasynda ornalasqan «Eýroazıattyq energetıkalyq korporasııasy» aksıonerlik qoǵamy (EEK) Eýrazııalyq Toptyń quramyna kiredi. Elimizdegi elektr energııasyn jáne kómirdi óndirip shyǵaratyn alyp óndirýshi kásiporyn. Iаǵnı, óndiriletin elektr energııasynyń 17 paıyzyn, kómirdiń 20 paıyzyn óndiredi. Korporasııa: «Shyǵys» kómir kenishi jáne Aqsý elektr stansasyn quraıdy. Kásiporynda 6 222 adam eńbek etýde.
Farıda Byqaı.
Derek, sýret: egemen.kz.
