Amerıkalyq saıasatker Reseı men Qytaıdyń myqtylyǵyn moıyndady

ASTANA. 19 qańtar. Amerıkalyq saıasatker Pol Kreıg Roberts AQSh-tyń Reseı Federasııasy men Qytaı halyq respýblıkasyn saıası da, ekonomkalyq turǵydan da jeńe almaıtynyn málimdedi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Saıasatker AQSh-tyń syrtqy saıasaty alaıaqtyqqa negizdelgen dep esepteıdi. Onyń paıymdaýynsha, lańkestikpen kúres júrgizemiz degendi jeleý etip AQSh qazirdiń ózinde Aýǵanstan, Irak, Somalı men Lıvııany joıyp jiberdi. Sonymen qatar, eger «Reseı prezıdenti aldyn almaǵanda» Iran men Sırııany da tas-talqan eter edi. Roberts qazirgi tańda Vashıngtonnyń qýatty balamasy Reseı men Qytaıdyń belgilengen strategııalyq alıansy ekenin atap ótti. Saıasatker bul alıans AQSh úshin «tym qýatty bolady» dep sanaıdy. Bul jóninde: «Reseı men Qytaı ózderiniń qaýipsizdigi men ulttyq múddelerine Vashıngtonnyń qol suǵýyna budan bylaı jol bermeıdi. Reseı men Qytaıǵa mańyzdy elder osy alıanspen qorǵaýǵa alynady. Bolashaqta kóptegen elder osy eki elden qorǵanysh izdeıtin bolady», – deıdi. «Bulardan basqa AQSh ishki saıasatta ótkir máselelerdi bastan ótkerip keledi», – dep jalǵastyrady sarapshy. Al, Amerıkanyń ózi «ekonomıkalyq aıqasta jeńiliske ushyrady». Bul negizinen elde Federaldyq qor júıesi men Qazynashylyq baqylaıtyn bos qarjy naryqtarynyń shyndap kelgende qalmaǵanyn kórsetedi. «Sondaı-aq, elde jumyssyzdyq beleń alyp keledi, resmı kórsetkishter 5 paıyz», – deıdi saıasatker. Sarapshynyń pikirinshe, bul san tym tómendetilip berilgen. Sebebi, jastardyń 50 paıyzy ómirlerin óz betterinshe qamtamasyz ete almaı otyr. Onyń oıynsha, «azǵantaı bankterge» qyzmet kórsetetin Federaldyq qor júıesi 2009 jyldaǵy daǵdarystan keıin ekonomıkalyq órleýdiń kórinisin jasaı aldy. Al bul kezde trıllıon dollar basylyp shyǵarylyp, «óz joldaryn» ekonomka emes, qarjylyq aktıvter arqyly «tapty». Roberts syrtqy jáne ishki saıası faktorlardyń jıyntyǵy amerıkalyq ekonomıkalyq órleý ıdeıasyn múlde aıqyndamaıdy dep túıindeıdi. Elaman Qońyr. Derek: RIA «Novostı». Sýret: AP Photo.