Apat kezinde de adamdar aman (+vıdeo)

qalatyn ushaqty ýkraın konstrýktory oılap tapty Ýkraın óner­tap­­qyshy Vladımır T­a­tarenko áýe kemesi apat­qa ushyrap, jerge qaraı quldılaǵan jaǵ­daıda onda otyrǵan barlyq jolaýshylardy aman alyp qalatyn qurylǵy oılap tapty. Tapqyr ınjener muny apat oryn alǵan boıda ushaqtan bólinip shyǵatyn kapsýlanyń kómegimen jasamaqshy. Al kapsýlanyń ishinde jolaýshylar men olardyń júkteri bolady. О́nertapqysh laınerdiń ushýǵa betteýi, ushýy jáne qonýy barysynda bolýy múmkin apattar kezinde osy kapsýlanyń jolaýshylardyń ómirlerin aman saqtap qalatynyn aıtady. Buǵan qurylǵynyń joǵarǵy jaǵynan tartyp turatyn óte myqty parashıýt kómektesetin bolady. Ushaqtyń soǵan baılanǵan bóligi jerge nemese sýǵa qalyqtap kelip qonady da, ári qaraı batpaı turyp qalady. Konstrýktor óziniń bul jobasyn úsh jyl daıyndapty. Osy maqsatta jerge kelip qona alatyn úrlemeli kameralardy da qarastyrǵan. Sol sııaqty parashıýt júıesin kevlar men karbon sekildi jeńil materıaldarmen qurap kórgen. Biraq bul jerde ınjenerdiń ushqyshtardy aman alyp qalýdy umytyp ketkeni anyq ańǵarylady. Al jurtshylyq arasyna suraý salyp kórgende, olardyń 95 paıyzy qansha qymbat bolsa da, ózderiniń qaýipsizdikteri úshin osy ushaqqa bılet alýǵa daıyn ekenderin bildiripti. Murat AITQOJA. https://www.youtube.com/watch?v=JeSdj7NC7ZE&feature=player_embedded