Toqsanynda tank aıdaǵan

«Astana» óńirlik qolbasshylyǵynda «Spassk» oqý-jattyǵý ortalyǵynyń bazasynda Uly Otan soǵysynyń tankishi ardageri Ismaǵıl Ǵalıýllın jas áskerı qyzmetshilerge sheberlik-synybyn ótkizdi. Toqsan jasqa kelgenine qara­mastan, jaýyngerlik mashınany basqarý daǵdysyn joǵaltpaǵan ardager T-72 tankisiniń ıintiregine otyrdy. Qazirgi kezde armııanyń ja­raǵynda anaǵurlym aýyr quryshty, qarý-jaraǵy men tehnı­kalyq turǵyda jabdyqtalǵan zamanaýı jaýyngerlik mashınalar bar ekenin aıta keteıik. Alaıda, tankishi ardager úshin jańa tehnıkany meńgerý asa bir qıyndyq týǵyzǵan joq. Ismaǵıl Ǵalıýllın Uly Otan soǵysy jyldary tankishi boldy jáne óziniń qyzmet etken jyl­daryn esine túsirgisi keldi. «As­tana» óńirlik qolbas­shy­ly­ǵynyń áskerı qyzmetshileri ardagerge bul jaıtty esine alýǵa kómektesti. Uly Otan soǵysy jyldarynda Ǵalıýllın atyshýly T-34-te shaıqasty. Búkil Eýropanyń shaı­qasyn bastan keshirip, soǵysty Berlınde aıaqtady. Jaqynda ǵana Uly Otan soǵy­synyń ardageri óziniń 90 jyldyǵyn atap ótti. «Astana» óńirlik qolbas­shylyǵy áskerleriniń qolbas­shysy, general-maıor Sul­tan Ka­maletdınov ardagerdi quttyq­tap, baǵaly syılyq tabys etti. «Ismaǵıl Nıǵmatuly, biz sizge uzaq ǵumyr tileımiz jáne ár­qa­shan kómektesýge daıynbyz. Bú­gingi tańda siz sııaqty Uly Otan soǵy­synyń ardagerleri óte az qaldy. Biz erligińizdi eshqashan umyt­paımyz», – dedi qolbasshy óziniń sózinde. «Egemen-aqparat».