Polsha prezıdenti Andjeı Dýda NATO-ny Shyǵys Eýropada osy aımaq pen Polshany «Reseıdiń yqtımal shabýylynan» qaýipsiz etý úshin ásker
men tehnıkany kóbeıtýge shaqyrdy.
Polsha basshysy Brıýsselde ótken NATO-nyń shtab-páterinde sóılegen sózinde «Biz NATO áskeriniń kóbeıgenin qalaımyz», – depti. Alıanstyń kelesi jıyny osy jyldyń shildesinde Varshavada ótedi. Polsha prezıdenti, sondaı-aq, bul sammıtte NATO basshylary Polshada alıans áskerlerin uzaq merzimge ornalastyrý jóninde bir sheshimge keledi degen oıyn da ashyp aıtty. Biraq, ol qansha ásker, qansha tehnıka qajet ekeni týraly sóz qozǵamady. Al NATO-nyń bas hatshysy Iens Stoltenberg kelesi jıynda Polshanyń ótinishi qaralatynyn bildirdi. «NATO qazir Shyǵys Eýropada turaqty ásker ustaıdy. Polsha – Shyǵys Eýropanyń bir bólshegi», – dedi I.Stoltenbergi osy týraly.
«Oskar» syılyǵyna qatysty daý-damaı
Amerıkanyń kıno óneri akademııasy «Oskar» syılyǵy nomınasııasy tóńireginde týyndaǵan daý-damaıǵa baılanysty eleýli ózgerister engizýdi qolǵa aldy.
Aqparat quraldarynyń habarlaýynsha, buǵan kıno óndirisi salasynyń beldi ókilderiniń narazylyǵy basty sebep bolyp otyrǵan sııaqty. О́ıtkeni, syılyqqa usynylǵan 20 kandıdattyń ishinde birde-bir qara násildi ártis bolmaǵan. Amerıka kınoakademııasynyń prezıdenti Sherıal Býn Aızeks: «Bul óte kúrdeli jáne óte mańyzdy másele, – dedi ol osy jóninde. – Barlyǵyn ózgertetin ýaqyt jetti. Akademııa óz músheleriniń quramyn ózgertý úshin túbegeıli qadam jasaıtyn bolady». Al «Oskar» syılyǵynyń laýreattary 28 aqpanda belgili bolady. Saltanatty rásim «Dolbı» teatrynda ótedi.
Úkimet basshysy otstavkaǵa ketti
Makedonııa parlamenti eldiń premer-mınıstri Nıkola Gýrevskıdiń otstavkaǵa ketý jónindegi ótinishin maquldady.
Úkimet basshysy basqarýshy koalısııa men oppozısııalyq «Makedonııa sosıal-demokratııalyq odaǵy» partııasy arasynda jasalǵan kelisimde kórsetilgen talaptar boıynsha otstavkaǵa ketip otyr. Eýropa odaǵynyń qoldaýymen jasalǵan kelisimge sáıkes, premer-mınıstr 24 sáýirge belgilengen parlament saılaýyna 100 kún qalǵanǵa deıingi aralyqta qyzmetinen ketýge tıis. Odaqtyń málimdemesinde parlament saılaýyna óz kandıdattaryn elde erkin aqparat quraldary paıda bolǵan jaǵdaıda jáne daýys berý quqyǵy bar azamattardyń tizimi qaıta jasalǵanda ǵana usynylatyny keltirilgen. Koalısııa arasyndaǵy daý týyndaǵaly biraz ýaqyt boldy. Kelisimge kelý túri kórinbeıdi.
Jýrnalıst prezıdentti sotqa berdi
Qyrǵyzstan astanasy – Bishkektiń Birinshi mamyr aýdandyq soty jýrnalıst Daıyrbek Orynbekovtiń el prezıdenti Almazbek Atambaevqa qarsy shaǵymyn qabyldady.
Qyrǵyzstandyq aqparat agenttikteriniń habarlaýynsha, prezıdent jýrnalıstiń ar-namysyna tıetin sózder aıtqan sııaqty. Sot jýrnalıstiń shaǵymyna baılanysty eki otyrys ótkizedi. Alǵashqysy memleket basshysyna jáne onyń apparat jetekshisi Farıd Nııazovqa qatysty bolmaq. Birinshi otyrys 28 qańtarǵa, ekinshisi 1 aqpanǵa belgilenip otyr. D.Orynbekov pen el bıligi arasyndaǵy daý jýrnalıst óziniń bir maqalasynda 2010 jylǵy qaqtyǵysty prezıdent A.Atambaev pen onyń jaqtastary uıymdastyrýy múmkin degen pikirinen soń bastalǵan.
Qysqa qaıyryp aıtqanda:
- Qyrym múftıi Emıralı Abylaevtyń aıtýynsha, Baqshasaraıdaǵy Han meshitine kúrdeli jóndeý júrgiziledi. Oǵan qansha qarjy jumsalatyny naqty aıtylmaǵan.
- Osy aptada Japonııada álemniń eń qart turǵyny sanalǵan Iаsýtaro Koıde ómirden ozdy. Ol 1903 jyly 13 naýryzda Fýkı prefektýrasynda ómirge kelipti.
- Birqatar aqparat quraldary Argentına astanasy – Býenos Aıres mańyndaǵy jaǵajaılarda ýly jylandardyń qaptap ketýine baılanysty olardyń jabylǵany jóninde habarlady.
32 mıllıard dollarmen tolyǵady
Irannyń ortalyq bankisiniń basshysy Valıolla Saıf Tehran sanksııalar alynǵan soń, sanksııa salynǵan 32 mıllıard dollardy quraıtyn qarjyny qaıtaryp alýdy josparlap otyr.
Iran memlekettiń telearnasynyń habarlaýynsha, sanksııalar alynǵannan keıin, 28 mıllıard dollar birden eldiń ortalyq bankine beriledi. Qalǵan 4 mıllıard dollar memleket qazynasyna úkimet aktıvteri retinde qaıtarylmaq. Taǵy atap óteıik, BUU, AQSh jáne Eýropalyq odaq Irannyń ortalyq bankine qarsy sanksııalardy osy jyldyń 16 qańtarynda ıadrolyq baǵdarlamalardy shekteý týraly kelisim talaptaryn oryndaǵan soń alyp tastaǵan edi.
Ýkraınadan saıası baspana aldy
Reseı jýrnalısi Dmıtrıı Shıpılov Ýkraınada saıası bosqyn mártebesin aldy. Bul jóninde jýrnalıst áleýmettik jelilerde habarlady.
«On aıǵa sozylǵan epopeıa aqyry aıaqtaldy. Barlyǵyńyzǵa rahmet!», – dep jazǵan ol. D.Shıpılov bosqyn mártebesin alý týraly ótinishti ótken jyldyń aqpanynda bergen eken. Kemerov oblysynyń týmasy bıliktegi birqatar sheneýnikterge «til tıgizetin» jarııalanymdary úshin on bir aı eńbekpen túzeý mekemesinde jazasyn ótegen.
Týrıst retinde 19,73 mıllıon adam barǵan
Halyqaralyq aqparat agenttikteri ótken jyly Japonııaǵa 19,73 mıllıon shetel týrısteri kelgeni jóninde habar taratty.
Keııtı Isındiń habardar etýinshe, bul 2014 jylmen salystyrǵanda, 47,1 paıyzdy quraǵan. Týrıster, ásirese, Qytaıdan kóp keledi. О́tken jyly Qytaıdan kelgen týrıster sany 4,5 mıllıon adamǵa jaqyndady. 2015 jyly osy elge Qytaıdan 2,5 mıllıon adam kelgen eken.
