Jambyl oblysynda sábıdi laqtyrǵan áıel 20 jylǵa sottalýy múmkin

TARAZ. 20 qańtar. Quqyq qorǵaý organdarynyń aıtýyna qaraǵanda Jambyl oblysynda sábıdi jolǵa laqtyrǵan áıel 20 jylǵa sottalýy múmkin. Bul týraly egemen.kz tilshisi habarlady. Dál qazir shaqalaqty óltirip qolyn qanǵa boıaǵan áıel qamaýda otyr. Taksı júrgizýshisi de eki bappen aıyptalýda. Qylmysty bile tura habar bermegendikten endi 13 mln. teńge aıyppul tóleıdi, bolmasa 6 jylǵa abaqtyǵa aıdalady. Buǵan deıin sábıdiń ákesi delingen er adam ustalǵanyn aıtqan bolatynbyz. Ol da Talas aýdany Úsharal aýylynyń turǵyny. Qarataý qalasyndaǵy kolledjde oqıdy eken. Ol bastapqyda úılenemin dep, keıin júkti qyzdan bas tartqan. Sońǵy aqparattarǵa qaraǵanda jigit pen qyzdyń ata-analary kelisimge kelip, eki jasty úılendirmek bop otyrǵan kórinedi. Aýrýhanada jatqan jas qyzdyń densaýlyǵy túzelip keledi.   Oralhan Dáýit. Derek, sýret: egemen.kz