Grekııada fýtbol matchy kezinde alańǵa keıýana shyqty (vıdeo)

ASTANA. 20 qańtar. Grekııada fýtbol oıyny kezinde qyzyqty jaǵdaı boldy. Jas jetkinshekter arasyndaǵy týrnırdiń kezekti oıynynda asyqpaı, aptyqpaı alańdy kesip ótken ájeı matchqa kedergi keltirdi. Bul týraly eurosport.ru-ǵa silteme jasaǵan egemen.kz tilshisi habarlady. Oıyndy toqtatýǵa májbúr bolǵan jas fýtbolshylar ájeıdiń ótip ketýin kútip turdy. Sonda da óziniń keleńsiz jaǵdaıdyń sebepshisi ekenine esh qysylmaǵan keıýana asyqqan joq. Jalpy, fýtbolda mundaı kútpegen jaǵdaılar jıi bolyp turady. Solardyń biri 2014 jyly Perýde el kýbogy úshin ótken resmı kezdesýde tirkelgen edi. Atap aıtqanda, saıystyń negizgi kezeńine shyǵý úshin ótkizilgen aımaqtyq irikteý týrnırinde Inambarı-Mazýko óńiriniń eki komandasy synǵa tústi. Oıynnyń ortasynda óristen qaıtqan sıyrlar alańnyń ústimen ótip, nátıjesinde tóreshi matchty birneshe mınýtqa toqtatty. Elaman Qońyr. Derek, sýret: eurosport.ru.