Almatynyń 1000 jyldyǵyna 1000 qaıyrymdy is jasalady

ALMATY. 20 qańtar. «Almatynyń 1000 jyldyǵy – 1000 qaıyrymdy is» jospary aıasynda megapolıstegi G38 jastar uıymy bıznes-qaýymdastyqpen, úkimettik emes uıymdarmen jáne almatylyqtarmen udaıy qarym-qatynasta bolyp, kómekke muqtaj jandarǵa myń túrli meırimdilik pen qaıyrymdylyq kórsetpek. Bul týraly egemen.kz tilshisi habarlady. Osynaý aksııa Uly Otan Soǵysynyń ardagerlerin, qarttardy, turmysy nashar otbasylar men kóp balaly úılerdi qamtıdy dep kútilýde. Qaıyrymdy jastar balalar úılerine de baryp, múmkindigi shekteýli jandarǵa qaraılasatyn bolady. Myń meıirimge toly tirliktiń ishine úı jınap berý, qolǵabys etý, azyq-túlik satyp áperý, sanatorıılerge joldama uıymdastyrý, dári-dármekpen qamtamasyz etý, densaýlyq saqtaý mekemelerinde emdelýge septesýden bastap, bári-bári kiredi. Aksııany uıymdastyrýshylar osynaý saýapty iske qala stýdentterin de tartyp, olardy jumyspen qamtamasyz etýdi kózdep otyr. Atalmysh aksııa búgin 20 qańtarda Almatydaǵy Oqýshylar saraıynan bastaý alyp, jyl aıaǵyna deıin jalǵasady.   Aınash Esalı. Derek, sýret: egemen.kz.