ASTANA. 20 qańtar. Qyzylordada sotta kásipkerdiń múddesi qorǵaldy. Bul týraly egemen.kz tilshisi habarlady.
Osyǵan baılanysty «MIR - 2001» JShS-niń dırektory Seıfýlla Ajmoldaev sotta múddesin qorǵaǵan Qyzylorda oblysynyń kásipkerler palatasyna alǵysyn aıtty.
О́tken jyldyń qarasha aıynda memlekettik kirister basqarmasy tarapynan «MIR-2001» JShS-ine Ákimshilik Kodekstiń 2-bólim, 281-baby boıynsha 4 ákimshilik zań buzýshylyq boıynsha is qozǵalady. Ákimshilik quqyq buzýshylyq Kodeksine sáıkes atalmysh bap boıynsha ár ákimshilik quqyq buzýshylyqqa 100 AEK túrinde aıyppul qarastyrylǵan. Osylaısha «MIR»-ge 400 AEK nemese 792 800 teńge aıyppul salynady.
Osy rette, kásipker palataǵa zańgerdiń kómegin surap kelgen bolatyn.
Al kásipkerdiń jaǵdaıynda aıyppuldyń kólemi 300 AEK-ten aspaýy tıis. Onyń ústine kásipkerdiń aıyby quqyq buzýshylyqtyń jeńil túrine jatady. Mundaı jaǵdaıda zańǵa sáıkes sýdıa jaza túrin jeńildete alady.
Ákimshilik zańnamanyń normalaryna súıene otyryp, palata zańgerleri apellıasııalyq shaǵym túsirip, sotta negizdemelerdi keltirdi.
Nátıjesinde Qarmaqshy aýdandyq sotynyń sýdıasy Memlekettik kirister basqarmasy qaýlysyna ózgeris engizý týraly sheshim shyǵaryp, kásipker 400 AEK túrindegi aıyppuldyń ornyna 280 AEK aıyppul tóleıtin boldy.
«Kásipkerler palatasynyń zańgerlerine alǵysymdy bildirgim keledi. Birinshiden, sotqa tıisti qujattardy ázirlep, meniń sotta múddemdi kózdep, qorǵaý da qomaqty shyǵyndy qarjy etedi. Ekinshiden, qorytyndysymen tıisti nátıjege jetý-jetpeý óz aldyna bir másele. Palata zańgerleriniń biliktiligine rızamyn. Qazirgi jaǵdaıda kásipker úshin ár teńgeniń orny bar. Bul azamattar meniń 250 myń teńgege jýyq aqshamdy saqtap qalýǵa kómektesti», dedi Seıfýlla Ajmoldaev.
Dastan Kenjalın.
Derek, sýret: Qyzylorda oblysy Kásipkerler palatasynyń baspasóz qyzmeti.
