О́SKEMEN. 20 qańtar. Shyǵysqazaqstandyq jastar el Táýelsizdiginiń 25 jyldyq mereıtoıyna oraı «25 qaıyrymdy is» aksııasynyń tusaýyn kesti. Bul týraly egemen.kz tilshisi habarlady.
Uıymdastyrýshylardyń aıtýynsha, oblys kóleminde jyl sońyna deıin qaıyrymdylyq konsertteri men is-sharalary ótkizilip, jınalǵan qarajat shyn máninde kómekke muqtaj jandarǵa jerebe tartý ádisi boıynsha berilmek.
Aksııany sátimen júzege asyrýǵa óńirdiń barlyq belsendi jastary, olardyń ishinde Táýelsizdiktiń qurdastary da jumyldyrylady. Ár qala men aýdanda adamdy rýhanı turǵydan damytatyn qaıyrymdylyq konsertteri uıymdastyrylyp, odan túsken qarajat jınalatyn bolady. Osyndaı keshtiń alǵashqysy О́skemen qalasynda ótti.
«2016 jyl – elimiz úshin erekshe jyl. Táýelsizdik mereıtoıynyń qurmetine óńirimizdiń ár qalalary men aýdandarynda turatyn belsendi jastarymyz da óz úlesterin qospaq nıet tanytyp otyr. Biri 100 myń teńge jınar, biri 50 myń teńge jınar, nátıjesinde, barlyq qarajattyń basyn qosyp, muqtaj jandarǵa kómek retinde berýdi kózdep otyrmyz», – dedi oblystyq ishki saıasat basqarmasynyń jastar bastamalaryn damytý ortalyǵynyń dırektory Araılym Esimbekova.
Osy ispetti qaıyrymdylyq aksııasy Aıagóz aýdanynda ótip, bastamashyl top kópbalaly otbasyǵa kıim-keshek, azyq-túlik qoryn syılap, kómir túsirip berdi.
Dýman Anash,
Derek, sýret: Shyǵys Qazaqstan oblysy aqparattyq ortalyǵy.
