Shyǵysta prezıdenttik synaqtar durys uıymdastyrylmaıdy

О́SKEMEN. 20 qańtar. Shyǵys Qazaqstan oblysynyń dene shynyqtyrý jáne sport basqarmasynyń alqa otyrysynda óńirdiń keıbir aýdandarynda prezıdenttik synaq kórsetkishteriniń tómendep ketkeni málim boldy. Bul týraly egemen.kz tilshisi habarlady. Oblys ákiminiń orynbasary Jaqsylyq Omardyń aıtýynsha, kórsetkishterdiń tómendeýiniń sebebi, synaqtyń óz deńgeıinde uıymdastyrylmaýynan týyndap otyr. Oblystyq sport jáne dene shynyqtyrý basqarmasynyń basshysy Eldos Shikenov prezıdenttik synaqtarǵa qatysýshylar kóleminiń de nasharlap ketkenin jetkizdi. Máselen, atalǵan synaqqa qatysý kórsetkishi Rıdder qalasynda 2,7 paıyzdy qurasa, Zyrıan aýdanynda 3,61 paıyzdy, Shemonaıha aýdanynda 2,2 paıyzdy, al Besqaraǵaı aýdanynda 4,7 paıyzdy qurap otyr. «Prezıdenttik synaq tek dene shynyqtyrý daıyndyǵynyń ǵana nátıjesi emes, bul sporttyń da damý kórsetkishi sanalady. Sondyqtan, biz bul máselege óte úlken jaýapkershilikpen qaraýymyz tıis. Basty normatıvterdi tapsyrýdy durys uıymdastyrmaǵandarǵa tıisti sharalar qoldanylatyn bolady», – dedi Jaqsylyq Omar. Keńeıtilgen jıynnyń sońynda barlyq sporttyq kórsetkishterdi sarapshylarmen birge saralaý tapsyryldy. Dýman Anash, Derek, sýret: ShQO Aqparattyq ortalyǵy