shet memleketterdiń ekranyna shyǵady
Fransııada ótken sońǵy Kann festıvalinde «Qazaq eli» anımasııalyq fılminiń treıleri kórsetilgen bolatyn. Jarnamalyq rolıkti alyp barǵan TAMED REALITY dıstrıbıýterlik kompanııasynyń aıtýynsha, atalmysh mýltfılmge Amerıka, Germanııa, Reseı jáne Birikken Arab Ámirlikteri qyzyǵýshylyq bildirgen. Naýryz aıynda qazaq mýltfılmi atalǵan elderdiń kınoteatrlaryna shyǵady dep kútilýde.
«Qazaq eli» atty tolyqmetrli anımasııalyq fılmi – Mádenıet jáne sport mınıstrliginiń tapsyrysy boıynsha jasalynǵan. Sol sııaqty «Momyn men qaraqshylar», «Tolaǵaı», «Maımaq qaz», «Muńlyq – Zarlyq», «Sapa olımpıadasy», «Qanatty barys týraly ańyz», «Qazaqstan» ulttyq telearnasynyń «Eń úzdik joba» nomınasııasyn jeńip alǵan «Tompaq telehıkaıasy» serıaly da kishkentaı kórermender kóńilinen shyqty.
Ǵalamtor jelisindegi táýelsiz sarapshylardyń qorytyndy reıtıngindegi eń kóp kóriletin mýltfılmderdiń alǵashqy bestigin de «Saq» kınostýdııasynyń ónimderi quraıdy.
«Qazaq eli» mýltfılmi Kereı men Jánibektiń bala kezderinen bastap eseıip, erjetip, el basqaryp, Qazaq handyǵyn qurǵanǵa deıingi aralyqty qamtıdy.
Fılm jelisinde Jánibek pen Kereıdiń ustazy bolǵan Qart batyrdyń olarǵa sadaq atý, qylyshtasý, atpen shabý, sol sekildi jaýyngerlik ónerdiń túrli tásilderin úıretýi keńinen kórsetiledi. Keıin el basqarýda bilimniń de mańyzy zor ekenin ustazynan uǵynǵan Kereı men Jánibektiń Otyrar qalasyna attanýy, Otyrar kitaphanasyn aralap, ǵulama ustazdardan túrli dárister alyp, elge oralǵanda túrli erlikterimen kózge túse bastaýy da qamtylǵan.
Olardyń taı úıretemiz dep júrip, qalaı qaraqshylarǵa tap bolǵandary, Qart batyrdyń kómegimen qaraqshylardy jeńip shyǵýy balalarǵa bir jaǵynan abaı bolýdy meńzese, ekinshi jaǵynan ezý tartar bolary sózsiz. Osy epızodqa arnaıy jazylǵan «Qaraqshylar» ánin Nurlan Abdýllın, Sáken Maıǵazıev («Muz-Art» toby) syndy kásibı ánshiler oryndasa, Berik Tursynbekovteı («Shymkent-shoý» teatry) Ǵ.Músirepov atyndaǵy jastar teatry akterleri dýblıaj jasaýǵa atsalysqan.
Aınash ESALI,
«Egemen Qazaqstan».
ALMATY.
Fransııada ótken sońǵy Kann festıvalinde «Qazaq eli» anımasııalyq fılminiń treıleri kórsetilgen bolatyn. Jarnamalyq rolıkti alyp barǵan TAMED REALITY dıstrıbıýterlik kompanııasynyń aıtýynsha, atalmysh mýltfılmge Amerıka, Germanııa, Reseı jáne Birikken Arab Ámirlikteri qyzyǵýshylyq bildirgen. Naýryz aıynda qazaq mýltfılmi atalǵan elderdiń kınoteatrlaryna shyǵady dep kútilýde.
«Qazaq eli» atty tolyqmetrli anımasııalyq fılmi – Mádenıet jáne sport mınıstrliginiń tapsyrysy boıynsha jasalynǵan. Sol sııaqty «Momyn men qaraqshylar», «Tolaǵaı», «Maımaq qaz», «Muńlyq – Zarlyq», «Sapa olımpıadasy», «Qanatty barys týraly ańyz», «Qazaqstan» ulttyq telearnasynyń «Eń úzdik joba» nomınasııasyn jeńip alǵan «Tompaq telehıkaıasy» serıaly da kishkentaı kórermender kóńilinen shyqty.
Ǵalamtor jelisindegi táýelsiz sarapshylardyń qorytyndy reıtıngindegi eń kóp kóriletin mýltfılmderdiń alǵashqy bestigin de «Saq» kınostýdııasynyń ónimderi quraıdy.
«Qazaq eli» mýltfılmi Kereı men Jánibektiń bala kezderinen bastap eseıip, erjetip, el basqaryp, Qazaq handyǵyn qurǵanǵa deıingi aralyqty qamtıdy.
Fılm jelisinde Jánibek pen Kereıdiń ustazy bolǵan Qart batyrdyń olarǵa sadaq atý, qylyshtasý, atpen shabý, sol sekildi jaýyngerlik ónerdiń túrli tásilderin úıretýi keńinen kórsetiledi. Keıin el basqarýda bilimniń de mańyzy zor ekenin ustazynan uǵynǵan Kereı men Jánibektiń Otyrar qalasyna attanýy, Otyrar kitaphanasyn aralap, ǵulama ustazdardan túrli dárister alyp, elge oralǵanda túrli erlikterimen kózge túse bastaýy da qamtylǵan.
Olardyń taı úıretemiz dep júrip, qalaı qaraqshylarǵa tap bolǵandary, Qart batyrdyń kómegimen qaraqshylardy jeńip shyǵýy balalarǵa bir jaǵynan abaı bolýdy meńzese, ekinshi jaǵynan ezý tartar bolary sózsiz. Osy epızodqa arnaıy jazylǵan «Qaraqshylar» ánin Nurlan Abdýllın, Sáken Maıǵazıev («Muz-Art» toby) syndy kásibı ánshiler oryndasa, Berik Tursynbekovteı («Shymkent-shoý» teatry) Ǵ.Músirepov atyndaǵy jastar teatry akterleri dýblıaj jasaýǵa atsalysqan.
Aınash ESALI,
«Egemen Qazaqstan».
ALMATY.
