«Jasyl el» jastardyń eńbek otrıadtary respýblıkalyq shtabynyń Memleket basshysynyń Jarlyǵyn qoldaǵan
MÁLIMDEMESI
Bizdiń uıymymyzdyń atynan Memleket basshysyna Májilis depýtattarynyń bastamasyna qoldaý bildirgeni jáne Qazaqstan Respýblıkasy Parlamenti Májilisine kezekten tys saılaý ótkizý týraly Jarlyqqa qol qoıǵany úshin alǵys sezimin bildiremiz. Daǵdarysqa qarsy reformalardyń jańa Parlamentin qurý úderisiniń Qazaqstan táýelsizdiginiń mereıtoıly jylynda bastaý alýynyń sımvoldyq máni bar dep esepteımiz. Parlament saılaýy eldiń saıası ómirindegi neǵurlym mańyzdy kezeń bolyp tabylady jáne memleket damýynyń jańa satysyndaǵy jaýapkershilikti bólisýge daıyn barlyq syndarly kúshter úshin kókeıkesti únqatysý alańyn qalyptastyrady. Búkil progresshil jastar úshin saılaý – ózin kórsetý, óziniń mańyzdylyǵy men qajettiligin dáleldeý úshin biregeı múmkindik. Biz eldi odan ári jańǵyrtý, reformalardy ilgeriletý jáne «100 naqty qadam» Ult Josparyn ómirge dáıektilikpen engizý isine óz úlesimizdi qosýǵa daıynbyz. Ýaqyttyń syn-qaterin eskere kelgende, parlamenttik saılaý ótkizý týraly sheshim ýaqtyly bolyp tabylady, óıtkeni ol reformalardy qozǵaýshy kúsh retindegi depýtattyq korpýstyń jańarýyna múmkindikter ashady. Odan ári tıimdi jumys isteý úshin parlamentshilerge halyq senimi votýmyna ıe bolý jáne jumystyń tolyq sıklyna kelisilgen is-qımyldar baǵdarlamasyn usyný mańyzdy. Aldaǵy saılaýdyń qazaqstandyqtardyń el damýynyń jańa satysynda birligi men toptasqandyǵyn beıneleı alatyndyǵyna senimdimiz.
