Bolashaǵymyzdy aıqyndap berdi

Meshin jylynyń alǵashqy kúninen bas­tap «5 ınstıtýttyq reformany júzege asyrý bo­ıynsha 100 naq­ty qa­dam» Ult Jos­paryn oryn­daý­dyń prak­tıkalyq ke­zeńi bas­talyp ket­keni belgili. Bul – elimizdiń ósip-órkendeýine, bo­la­shaqqa baǵdar bere­tin ıgi qa­dam­nyń bastalyp ketkenin barsha halyqqa áıgileıtin shara. Elbasynyń «Ult Jospary – qazaqstandyq armanǵa bastaıtyn jol» atty jańa baǵdarlamasyn muqııat oqyp shyqtym. Zaısan aýdandyq máslıhatynyń depýtattary da bul maqalamen tanysyp, ózderi saılanǵan okrýgterde bolyp, jurtshylyqpen kezdesip, maqalanyń mańyzdy jaqtaryna toqtalýda. Ult Josparynyń basym ba­ǵyt­tarynyń jıyntyǵy ispetti «100 naq­ty qadamǵa» qadam basý­dyń naq­ty joldaryn taıǵa tańba bas­qan­daı etip kórsetken maqa­lany oqyp shyqqanda kóz aldyma elimiz qol jetkizgen tabystar elestedi. Alǵash táýelsizdik alǵan kezde jaǵdaı qandaı edi? Ata-babalarymyz myń­daǵan jyldar ańsaǵan derbes mem­leket bolý jolynda, naryqtyń qıyn kezinde tuıyqtan jol taba bil­gen, halyqty bolashaqqa basta­ǵan Elbasy Nursultan Nazarbaev­tyń sińirgen eńbegi ushan-teńiz. Ma­qa­lada avtor Qazaqstandy álem­degi eń ozyq 30 eldiń qataryna en­gizý úshin ne isteý kerektigin, el aza­mat­tarynyń judyryqtaı ju­my­lyp, sol armannyń júzege asýyna úles qosýy qajettigin aıtady. Al armandy júzege asyratyn adam­dar ekeni belgili. Osy oraıda, shal­ǵaı­daǵy Zaısan aýdanynda da «100 naq­ty qadam» boıynsha qandaı ju­mys­tar tyndyrylǵanyn aıta ketken jón. Sońǵy jyldary aýdan ekonomıkasynda ósip-órkendeý, alǵa jyljý bar. О́tken jyly 13 mıl­lıardtan astam teńgeniń ónim­deri shyǵaryldy. Aý­dan ortalyǵy men birne­she eldi mekenderge kógil­dir otyn tartyla bastady. Aýdanda mal basy ósip, ótken jyly memleketke et, sút tapsyrý jospary oryndaldy. Aınabulaq jáne Sary­terek aýyl­darynda za­manaýı dári­gerlik ambýlatorııalar paıdalanýǵa berilip, otyzǵa tarta jumys orny ashyldy. Buryn­dary aýyl turǵyndary em-dom alý úshin aýdan ortalyǵyna sabyl­sa, budan bylaı óz aýyldarynda qa­byldaı alady. Daıyrda Mádenıet úıi, Qaratalda sport modýli ashyldy. Zaısan qalasynda birneshe áleýmettik nysandar, «Rahat» saý­da úıi, Abaı saıabaǵynda hakim Abaı­ǵa eskertkish ashylyp, jazýshy Qalıbek Altybaevtyń «Abaı ále­mi» sózjumbaq kitabynyń tusaý­keseri ótti. Bir kún buryn Zaısanda zamanaýı talapqa saı jyldyń tórt mezgilinde de balalar men qala turǵyndary sportpen alańsyz shuǵyldanatyn basseın paıdalanýǵa berildi. Aýdandyq ishki saıasat bólimi qyzmetkerleri tarıhı oqıǵalarǵa oraı mádenı sharalardy turaqty ótkizip turady. Jastar forýmy, Abaı oqýlary, din máselesi jó­ninde keleli jıyndar aı ­saıyn ótedi. Jastardyń boıynda otansúıgishtik qasıetterdi sińirý, patrıottyq sezimdi qalyptastyrý baǵytynda da is-sharalar turaqty ótedi. Qoryta aıtqanda, Zaısan aýda­nynyń turǵyndary aldaǵy ýaqyt­ta da Ult Josparyn júzege asyrýda izdenis pen ilkimdilik tanyta beredi. Dáýlet YDYRYShEV, Zaısan aýdandyq máslıhatynyń hatshysy. Shyǵys Qazaqstan oblysy.