ALMATY. 28 qańtar. Osy jylv aqpan aıynyń 28-inde Qazaqstan halqy jyr alyby Jambyldyń týǵanyna 170 jyl tolý mereıtoıyn toılaıdy. Osyǵan oraı búgin Qazaqstan Jazýshylar Odaǵynda «Jambyl aılyǵy» bastalyp, jýrnalısterge arnalǵan alǵashqy baspasóz máslıhaty ótti. Bul týraly egemen.kz tilshisi habarlady.
Jınalysty júrgizgen jazýshy, jambyltanýshy ǵalym Naǵashybek Qapalbekov aılyq kezinde respýblıkamyzdyń túkpir-túkpirinde aqynnyń murasyn zertteý, zerdeleý baǵytynda túrli keshter men ǵylymı konferensııalardyń, sımpozıýmdar men án-jyr keshteriniń bolatynyn aıtyp ótti.
«Jambyl meniń óz atym,
Halyq meniń shyn atym» – degen aqynnyń jyrymen bastaǵan Qazaqstan Jazýshylar odaǵy basqarmasynyń tóraǵasy, senator Nurlan Orazalın aılyq basynyń «Jyry álemdi sharlaǵan» atty sazdy-keshtiń bastalýyna rızashylyq bildirdi. «Jambyl esimi eshqandaı da tanystyrýdy qajet etpeıtin fenomenaldi qubylys», – dedi Nurlan Orazalın.
«Jambyl aılyǵynyń» aıasynda Elordamyz Astanada da aqpannyń 18-i kúni «Jyr alybyna taǵzym» atty ádebı sazdy kesh ótedi. Ol týraly Jambyl aýdanynyń ákimi Jandarbek Dalabaev habarlady.
Jazýshylar odaǵynyń úlken zalynda aqyndar jyrdan shashý shashty. «Súıinbaı sazy» ansambli konsert qoıdy.
Talǵat Súıinbaı.
Derek, sýret: egemen.kz.
