Fýtboldan Qazaqstan quramasy Grýzııa jáne Qyrǵyzstanmen kezdesedi

ASTANA. 28 qańtar. Fýtboldan Qazaqstan ulttyq quramasy 26 naýryz kúni Túrkııanyń Antalııa qalasynda Ázerbaıjan komandasymen joldastyq match ótkizgennen keıin Grýzııa jáne Qyrǵyzstan quramalarymen kezdesedi. Bul týraly egemen.kz tilshisi habarlady. 29 naýryzda Qazaqstan quramasy Tbılısıde Grýzııanyń ulttyq qurama komandasymen, al 30 tamyz kúni syrt alańda Qyrǵyzstan quramasymen oınaıdy. Qazaqstan quramasy Grýzııa fýtbolshylarymen 2006 jylǵy álem chempıonatynyń irikteý týrnırinde bir topqa túsken edi. Sol kezde Almatyda Qazaqstan komandasy Grýzııadan 2:1 esebimen jeńilse, Tbılısıdegi kezdesý 0:0 esebimen aıaqtaldy. Eki el arasyndaǵy sońǵy match 2013 jyldyń 14 tamyzynda «Astana Arena» stadıonynda ótti. Bul joly kezdesý otandastarymyzdyń paıdasyna sheshildi. Kezdesýde Qazaqstan quramasy  qarsylastaryn 1:0 esebimen jeńdi. Al, elimizidń bas komandasy Qyrǵyzstanmen 7 joldastyq kezdesý ótkizip, sonyń beseýinde jeńiske jetti. Eki oıyn teń eseppen aıaqtaldy. Eki eldiń quramalary arasynda sońǵy matchta Qazaqstan quramasy Qyrǵyzstandy 7:1 esebimen utty. Kezdesý 2014 jyldyń 5 qyrkúıeginde «Astana Arena» stadıonynda ótti. Dastan Kenjalın. Derek, sýret: Qazaqstan fýtbol federasııasynyń baspasóz qyzmeti.