Qosshyda qulash jaıǵan kásiporyn

Aqmola oblysynyń ákimi S.Kýlagın men Qazaqstan isker áıelderi assosıasııasynyń tóraıymy, Qazaqstan Respýb­lıkasy Prezıdenti janyn­daǵy Áıelder isteri jáne demo­grafııalyq saıasat jónindegi ulttyq komıssııanyń múshesi R.Sársembaevanyń qatysýymen Selınograd aýdanyndaǵy Qosshy aýylynda «Qazyna-SP» JShS jıHaz sehynyń saltanatty ashylý rásimi boldy. «Qazyna-SP» bas dırek­tory Saıra Mataıbaeva jurt­shylyqqa arnaǵan sózinde «Biz buryn da 10 jyl boıy jıHaz shyǵaryp keldik, – dedi. Alaıda, óndiristi keńeıtý nıetimiz endi júzege asyp otyr. О́ńirlerdi damytý baǵdarlamasy sheńberinde Se­lınograd aýdanynyń ákim­digi jer telimin bólip, ınves­tısııalyq jobamyzdy júzege asyrýdy bastadyq. Jobanyń jalpy quny 378 mıllıon teńgeni quraıdy. Onyń ishinde jabdyqtar satyp alý úshin «О́ndiris» baǵdarlamasy aıasynda 110 mıllıon teńge qarjy bó­linip otyr. Oblys ákimi Sergeı Vıtalevıch tarapynan qoldaý bildirilgenine de rızamyz». Bizge berilgen málimetke qaraǵanda, kásiporyn búgingi kúni ekologııalyq taza mate­rıal­dardan daıyndalǵan keń­se, bilim jáne densaýlyq saq­taý mekemelerine qajetti jıHaz­dardy Qazaqstan naryǵyna shy­ǵa­rýda. Al, munda jumys isteıtin 60 adamnyń aılyq ja­la­qysy 100 myń teńgeden asyp túsýde. Jańa seh jylyna 30 myń dana sapaly ónim daıyndaı alady. Saltanat sońynda «Qazyna-SP» JShS qyzmetkeri qonys­tanatyn turǵyn úı kesheniniń tanys­tyrylymy bolyp, jınal­ǵan qaýym kásiporyn daıyn­da­ǵan ónimder kórmesin tamashalady. Baqbergen AMALBEK, «Egemen Qazaqstan». Aqmola oblysy, Selınograd aýdany.