Mosart pen Salerı birlese jazǵan týyndy tabyldy

Praga qalasynda belgili kompozıtorlar Volfgang Amadeı Mosart pen Antonıo Salerıdiń birigip jazǵan týyndysy tabyldy. Qundy dúnıe Chehııanyń Sharka Dochkalova atyndaǵy mýzykalyq murajaıynan shyqty. Ǵalymdardyń aıtýynsha, bul shyǵarma osydan 200 jyl buryn ushty-kúıli joǵalyp ketken eken. Áıgili kompozıtor Mosarttyń dúnıege kelgenine bıyl 260 jyl tolady. Ol – Vena klassıkalyq mektebiniń eleýli ókili. О́miriniń sońyna deıin 600-den astam eńbek jazyp qaldyrǵan. Salerı de XVIII ǵasyrdyń sońyndaǵy mýzyka áleminde tanymal bolǵan tulǵa. Eýropa mýzykasyna qatysty mártebeli oryndardyń biri – saraı mańyndaǵy kapelmeıster laýazymyna deıin kóterilgen. Lıýdvıng van Bethoven, Frans Shýbert, Ferens Lıst syndy belgili kompozıtorlarǵa ustazdyq etken. Alaıda, onyń artynda Mosarttyń jetistigin qyzǵanyp, ólimine tikeleı sebepshi boldy degen daqpyrt qalǵan. Biraq 1997 jyly sot ony tolyq aqtap, kinásizdigin moıyndady. «Mosart pen Salerıdiń birigip jazǵan bul eńbegi jurt arasyna keńinen tarap ketken avstrııalyq uly kompozıtordy ıtalııalyq árip­tesi óltirgen deıtin boljamdy joqqa shyǵarady. Olar bir-birine joǵary qurmet kórsetken jáne naǵyz adal dostar bolǵan», – dep esepteıdi mýzyka murajaıynyń qyzmetkerleri. Aıan ÁBDÝÁLI.