«Gold King» zalynda chempıondar jattyǵady

Altaıbaevtar 50 mıllıon teńgege «Gold King» sport klýbyn salyp berdi Qalanyń kúnshyǵys betinde aıtýly azamat, paýerlıftıngten Azııa chempıony, birneshe halyqaralyq jarystardyń jeńimpazy, mesenat, kásipker Andreı Altaıbaevtyń bastamasymen turǵyzylǵan, óz qarjysyna saldyrǵan «Gold King» sport klýbynyń jattyǵý zaly saltanatty jaǵdaıda ashylyp, oǵan qala ákimi E. Sálimov, osynda tegin jattyǵatyn múmkindigi shekteýli jandar, qala jurtshylyǵy qatysty. – Elbasynyń Qazaqstan hal­qyna Joldaýynda salamatty ómir saltyn saqtaý, adamdardyń bos ýaqyttaryn mazmundy da kóńildi ótkizý, sportpen shuǵyldanýy jaıly aıtylǵany belgili. Qazirgi tańda Semeı shaharynda 100 myń adam buqaralyq sportpen shuǵyldanady. Olarǵa 379 sport ǵımarattary qyzmet kór­­­­setedi. Endi, mine, Andreı Al­taıbaev zaman talaptaryna saı jabdyqtalǵan jańa paýerlıftıng jattyǵý zalyn iske qosty. Bul jerde qalanyń 700-den astam turǵyny jattyǵý jasaıdy, al otyzdan astam múmkindigi shekteýli janǵa tegin qyzmet kórsetiledi. «Gold King» sport klýbynda álem, Azııa chempıondary tárbıelenip jatyr, budan bylaı olardyń qatary tolyǵa túsetini sózsiz, – deı kele qala ákimi Ermak Bıdahmetuly jınalǵandardy quttyqtady. Andreıdiń ákesi qazaq, Vıktor Ahmetovıch Altaıbaevtyń ma­mandyǵy baletmeıstr. Belarýs­tiń Vıtevsk qalasynda oqyp júrgende orystyń arý qyzy Ta­mara Vladımırovnamen tanysyp, onyń sońy mahabbatqa ulasyp, ekeýi turmys qurady. Araǵa jyldar salyp Otanyna oralady. Andreı bala kezinen sport dese ishken asyn jerge qoıatyn. 1992 jyly elge oralǵan soń kommersııamen shuǵyldandy. Qala ortalyǵynda jattyǵý zalyn salsam degen armanyna bir qadam jaqyndaǵan Andreı jınaǵan qarjysyna Reseıden ziltemir, jattyǵýǵa qajet gantel, arnaıy quraldar satyp aldy. Oǵan 20 mıllıon teńge shyǵyndapty. Andreıdiń sport zalynda bolǵanymyzda eń aldymen kózge túsken keń ári jaryq ból­­­­me­lerde aq ter, kók ter bolyp jattyǵyp jatqan bir top adamdy kezdestirdik. Munda jattyǵatyn birneshe úlken seksııalar bar eken. О́tken jyldyń 13-20 jel­toqsanynda atalmysh klýbta jattyǵatyn bir top azamat Tash­kentte ótken Azııa jáne Muhıt aımaǵy elderi chempıonatynan 1 altyn, 4 kúmis jáne birneshe qola medalmen oralypty. Atap aıtqanda, Andreıdiń jubaıy Marına Vas­ılevna Altaıbaeva paýerlıftıngten syǵymdaı kóterýde altyn me­daldi ıelense, otaǵasy Andreı kúmis júldege qol jetkizgen. Serǵalı Qaıyrbaev, Serikqalı Ázilhanov, Iаkov Ionın Azııa chempıonaty­nyń kúmis júldegeri atandy. Reti kelgende aıta ketý kerek, Andreı Altaıbaev álem jáne Azııa chempıonattarynda bir­neshe márte top jarǵan jáne júldeli oryndarǵa qol jet­kizgen atan jilikti, zil­temirdi kóterýdiń asqan sheberi. 2014 jyly Bishkekte ótken Azııa chempıonatynda 120 keli salmaqta pa­ýerlıf­tıngten qarsylasta­ryn aıqyn basymdyqpen jeńgeni bar. Ol 260 keli salmaqty syǵymdaı kóterdi. Qazir jattyǵý zalynda otyzǵa tarta múmkindigi shekteýli jandar jattyǵady. Biz solar­dyń birnesheýimen tildestik. Kem­baǵal jandar Altaıbaevtyń qaıy­rymdylyǵyna erekshe razy. – Buryn da atymtaı jomart azamat bizdiń tegin, alańsyz jat­tyǵýymyzǵa jaǵdaı jasap kelgen. Jańa sport zalynda eki-úsh saǵat jattyǵý jasaǵan kezde bir jasap qalamyz. Qaıyrymdy azamatqa alǵystan basqa aıta­rymyz joq, – deıdi Olga Lıýbımova degen áıel. Semeı qalalyq dene shynyq­tyrý jáne sport bóliminiń basshysy Murat Mursahanuly An­dreı Altaıbaevtyń jattyǵý za­lynda sport sheberleri men halyqaralyq jarystarda jaqsy nátıjege jetken órenderge je­ńildik jasaıtynyn, tipti, tegin qyzmet kórsetetinin aıta ketti. Osy klýbta jattyǵyp júrgen V.Prıahın, V.Folman, Iа.Ionın, S.Shıshkın, Zakır Naımanbaev, basqa da sańlaqtar álem, Azııa birinshilikterinde birneshe márte top jarǵan, júldelerdi bólisken. Oblystyq máslıhatty uzaq jyldar basqarǵan G.Pınchýk, kezinde aýyr atletıkadan Qazaqstannyń úsh dúrkin chempıony bolǵan, Azııa­nyń altynyn oljala­­ǵan 67 jastaǵy V.G.Babıchev, halyq­­­aralyq dárejedegi sport sheberi, 2015 jyly Novosibirde ótken Álem chempıonatynda altyn medaldi ıelengen Grıgorıı Kobrın, basqa da ataǵy alysqa ket­ken som bilekti, ziltemirdi týlaqsha ılegen azamattardy jattyǵý zalynan kezdestirgende el erteńiniń qazirgiden de jarqyn bolatynyna kóz jetkizdik. Ońdasyn ELÝBAI, jýrnalıst. SEMEI.