«Nıva» kóligin Arab Ámirlikterine shyǵarýǵa jol ashyldy

Qazaqstandyq kólik óndirisi shetel naryǵyna shyǵa bastady. Ádette, otandastarymyz temir tulparlardy arab elderinen tasymaldaıtyn bolsa, endi olardyń kózi Qazaqstanda qurastyrylǵan ónimge túsip, «Nıva» kóligin attaı qalap satyp ala bastapty. Qazir, avtokóliktiń bul markasy Birikken Arab Ámirlikteriniń joldary men shólderine óz izin sala bastady deýge bolady. Bul múmkindik­ke qol jetkizýge «BIPEK AVTO Qa­­­zaqstan» JShS Aqtaýdaǵy fı­lıalynyń ótinishin az ýaqyttyń ishinde qarap úlgergen Mańǵystaý oblysy kásipkerler palatasy muryndyq boldy. Buǵan deıin taýardyń shyǵarylǵan jeri týraly sertıfıkattaýdan týyndaǵan problemalardyń saldarynan Birikken Arab Ámirlikterine ós­kemendik avtokólikterdi eksporttaý múmkin bolmaǵan edi. – Bizdiń sheteldik seriktesimiz kelesi avtokólik toptamasyn satyp alýǵa qyzyǵýshylyq tanytty. Bul jetkizilim týraly sóz qozǵaǵanda birqatar uıymdastyrýshylyq máselelerdiń basyn ashýda qol ushyn sozǵan Mańǵystaý oblysy kásipkerler palatasynyń atqar­ǵan mańyzdy rólin aıta ketý kerek. Bul biz úshin, sózsiz, biregeı tájirıbe bolmaq. Birikken Arab Ámirlikteriniń naryǵyna shyǵý bizdiń josparymyzda bar bolatyn, endi, mine, ol jaqqa avtokólikterdi jetkizý birinshi ret sátti júzege asty. Alǵash ret «BIPEK AVTO» JShS-niń Aqtaýdaǵy fılıaly óz avtokólikteri toptamasyn Túrikmenstannyń ońtústigindegi Mary qalasyna jóneltken bolatyn. «BIPEK AVTO-AZIIа AVTO» kompanııalary tobynyń aldynda endi Qazaqstan men Reseı aýmaǵyndaǵy fılıaldyq jelini damytý tájirıbesine súıene oty­ryp Mońǵolııa, Qyrǵyzstan, О́z­bekstan, Túrikmenstan jáne Tájikstanda budan kem túspeıtin joǵary deńgeıdegi rıteıl uıym­dastyrý mindeti tur, – deıdi «BIPEK AVTO Qazaqstan» JShS Aqtaý fılıalynyń dırektory Asqar Bulanbaev. «Nıva» kóligin BAÁ naryǵyna shyǵarý úshin buǵan deıin oryn alyp kelgen qıyndyqtar aýyzdyqtaldy. О́ńirlik kásipkerler palatasy dırektorynyń orynbasary Áset Manovtyń aıtýynsha, 2014 jyldyń naýryz aıynan bastap taýardyń shyǵarylýy týraly sertıfıkattardy kýálandyrý jáne resimdeý qyzmetteri óńirlik palatalardyń qolyna ótip, az ýaqyttyń ishinde «BIPEK AVTO»-nyń Aqtaýdaǵy fılıalynyń «Jeńil avtokólikter jáne ózge de motorly tasymaldaý quraldary» taýarlyq tobyna «ST-KZ» sertıfıkattaryn berip úlgergen. «Qajet bolǵan jaǵdaıda О́zbekstan, Túrikmenstan, Reseı Federasııasy, Ázerbaıjan, Iran jáne ózge de elderge eksporttaý ke­zinde sertıfıkattar beretin bolamyz, oǵan qosa qazaqstandyq taýarlardy eksporttaý máselesi biz úshin árqashan basty nazarda turady», deıdi ol. Mańǵystaý oblysy kásipkerler palatasy teńiz arqyly da, qurlyq arqyly da kórshiles eldermen ekonomıkalyq yntymaqtastyq qurý aldaǵy ýaqytta jalǵasady degen senimde. Bul elimizde júr­gizilip otyrǵan otandyq ónim ón­dirý jáne ony eksporttaý bastamasy aıasynda júzege asyrylǵan, kásibin shyr úıirem degenderge qoldaý kórsetý barysyndaǵy eleýli isterdiń biri. Gúlaıym ShYNTEMIRQYZY, «Egemen Qazaqstan». Mańǵystaý oblysy.