Jasalǵan jaǵdaıǵa – qaıtarymdy qyzmet

Elbasy Nursultan Nazarbaev Respýblıkalyq bıýd­­jettiń oryndalýyn ba­qy­laý jónindegi esep komı­tetiniń tóraǵasy Qozy-Kór­pesh Jań­byrshındi qabyldady, dep habarlady Prezıdenttiń bas­pasóz qyzmeti. Q.Jańbyrshın Memleket bas­shysyna Esep komıtetiniń 2015 jylǵy jumysynyń negizgi nátı­jeleri, bıýdjet qarajatyn jos­parlaý men paıdalanýda únemi kezdesetin problemalar, sondaı-aq, aldaǵy kezeńge arnalǵan mindetter týraly baıandady. Qazaqstan Prezıdenti ótken jyly qabyldanǵan «Memlekettik aý­dıt jáne qarjylyq baqylaý týraly» Zańdy júzege asyrýdy jáne memlekettik aýdıtke tıimdi túrde kóshýdi qamtamasyz etýdi tap­syrdy. Nursultan Nazarbaev buǵan qajetti jaǵdaılar ja­sal­ǵanyn, komıtet mártebesi kóterilip, maqsattarynyń aıasy keńeıtilgenin, tıisti mamandardy qaıta daıarlaý júrgizilip jatqanyn aıtty. Sonymen qatar, Memleket bas­shysy aýdıttiń qarjy máse­le­lerin ǵana emes, organ qyzmetiniń tıimdiligin barlyq baǵytta baǵa­laýdy da qamtýy tıistigine nazar aýdardy. Q.Jańbyrshın ótken jyly Esep komıteti 303 nysanda 29 baqylaý sharasyn júrgizgenin málimdedi. Anyqtalǵan qar­jy­lyq zań buzý­shy­lyqtar quny­nyń kólemi 2014 jylmen salys­tyrǵanda 3 ese ul­ǵaıyp, 1,3 trıllıon teńge bolǵan. Baqylaý sharalarynyń nátıjesi boıynsha orny toltyrylýǵa tıis 128,8 mıllıard teńgeniń 87,2 mıllıard teńgesi ótelgen. Esep komıtetiniń tóraǵasy júr­­gizilgen tekserýler men baqy­laý-taldaý sharalary qory­tyn­dysy boıynsha Úkimetke jáne bas­qa da baqylaý nysandaryna 46 usy­nym men 180 tapsyrma joldan­ǵanyn aıtty. Bul oraıda usy­nymdar men tapsyrmalardyń oryn­dalýy tıisinshe 98% jáne 95,8% boldy. Q.Jańbyrshın bıýdjettik jáne basqa zańnamalardy buzǵa­ny úshin 75 zańdy tulǵa jáne 66 laýa­zymdy tulǵa ákimshilik jaýap­­kershilikke, 271 laýazymdy tulǵa tártiptik jaýapkershilikke tar­­tyl­ǵanyn atap ótti. Quqyq qor­­ǵaý organdaryna baqylaý sha­ra­­laryna qatysty 40 materıal berildi. Esep komıtetiniń tóraǵasy As­tana jáne Almaty qala­lary­nyń, sondaı-aq, oblystardyń revızııalyq komıssııalarynyń 2015 jylǵy qyzmetiniń negizgi nátıjeleri týraly da baıandady. Memleket basshysy kezdesý qorytyndysy boıynsha mem­lekettik aýdıt jáne qarjylyq baqylaý organdary qyzmetin jetildirý jóninde birqatar naqty tapsyrma berdi. Sýretti túsirgender S.BONDARENKO, B.OTARBAEV.