Oraldyq qutqarýshylar Alǵys aıtý kúnin aıryqsha atap ótti

ORAL. 29 aqpan. Batys Qazaqstan oblysy tótenshe jaǵdaılar departamentiniń qyzmetkerleri Alǵys aıtý kúnine arnalǵan is-sharalar sheńberinde eki múgedek bala tárbıelep otyrǵan otbasyna ataýly kómek kórsetti. Bul týraly oblystyq tótenshe jaǵdaılar departamenti memlekettik til jáne aqparat tobynyń baspasóz qyzmetine silteme jasaǵan egemen.kz tilshisi habarlady. Uldardyń anasy balalardy oqytý úshin Oral qalasynda jalǵa alynǵan páterde turýǵa májbúr. Sebebi, úlkeni Aıqyn №15 kómekshi mektebinde oqsa, kishisi Aıbek múgedek balalarǵa jáne qatty psıhıkalyq-nevrologııalyq aýrýlarmen aýyratyn naýqastarǵa arnalǵan «Shapaǵat» ońaltý ortalyǵyna barady. Qutqarýshylar qamkóńil otbasyǵa teledıdar jáne útik syılady. О́zderine kóńil bólip, qaıyrymdylyq tanytqan departament qyzmetkerlerine alǵysyn jaýdyrǵan uldardyń anasy Nurgúl Berdenova: «Álemde aýrý balalarǵa kómek kórsetetin adamdardyń qalǵandyǵyn sezinýdiń ózi erekshe áserge bóleıdi eken. Biz qutqarýshylarǵa artyq sózsiz naǵyz erlerge tán kómek kórsetkenderi úshin shyn alǵysymyzdy bildiremiz», – dedi. Temir Qusaıyn. Derek, sýret: Batys Qazaqstan oblystyq tótenshe jaǵdaılar departamenti memlekettik til jáne aqparat tobynyń baspasóz qyzmeti.