AQMOLA. 9 naýryz. Kókshetaý qalasyndaǵy kondıter ónimderin shyǵaratyn «Taý Kon» jaýapkershiligi shekteýli seriktestigi óndiristik qýattaryn arttyrýda. Bul týraly Aqmola oblysy ákiminiń baspasóz qyzmetine silteme jasaǵan egemen.kz tilshisi habarlady.
Jańa óndiris orny 30 kókshetaýlyqty turaqty jumys ornymen qamtamasyz etken. Munda táýligine 3 tonna tátti toqashtar shyǵarylady. Kondıterlik jabdyqtar Italııadan ákelingen. Kásiporyn ónim túrleri boıynsha 3 jelilik tehnologııany paıdalanady. «Bıznestiń jol kartasy-2020» baǵdarlamasymen júzege asyrylǵan jobanyń jalpy quny 200 mıllıon teńgeni quraıdy.
«Qazirgi kúni ár aýysymda 1 tonna ónim daıyndaımyz. О́nimderimiz tek Aqmola oblysy boıynsha ǵana emes, sonymen qatar Astana qalasy, Qaraǵandy, Pavlodar, Soltústik Qazaqstan oblystaryna da jetkiziledi», – deıdi seriktestik dırektory Marat Sársenov.
Baqbergen Amalbek.
Derek, sýret: oblys ákiminiń baspasóz qyzmetinen.
