Meksıkada zıka bezgegin juqtyrǵan adam sany 150-den asty

ASTANA. 15 naýryz. Meksıkada zıka bezgegin juqtyrǵandar sany kún sanap artyp barady. Bul týraly TASS aqparat agenttigine silteme jasaǵan egemen.kz tilshisi habarlady. Qazirgi kezde dárigerler zıka epıdemııasyn juqtyrǵan 151 naýqasty anyqtady. Olardyń arasynda 25 adam – júkti áıelder. Jergilikti bıliktiń habarlaýynsha, basym bóligi, ıaǵnı 75 adam Chıapas shtatynda emdelip jatyr. Oahaka shtatyndaǵy 59 adam dárigerlerdiń baqylaýynda, al qalǵan bes adam Gerrero shtatynyń turǵyny. Dárigerlerdiń aıtýynsha, olardyń jaǵdaıy bir qalypty. Aıta keteıik, zıka – alǵash ret 1947 jyly Ýganda memleketinde paıda bolǵan. Osydan soń Afrıka elderine tarala bastady. Maımyldar arasyndaǵy juqpaly aýrý bolyp esepteledi. Al adamdar arasynda taraýyna negizinen Aedes aegypti túrindegi masalar sebepshi bolady. Atalǵan bezgek ásirese, júkti áıelder úshin asa qaýipti. Qaterli indetke shaldyqqan bolashaq anadan mıkrosefalııa aýrýyna shaldyqqan náreste dúnıege keledi. Ol óz kezeginde balanyń bas súıegin mólsherinen tys kishireıip, mı qurylysynyń damýyna zııanyn tıgizedi. Sondaı-aq, aqyl-esi kem bolyp, estý, kórý sezimderinde aýytqýshylyqtar paıda bolady. Bul kezde arnaıy vaksınalar kómektespeıdi. Aıan Ábdýálı. Derek: TASS. Sýret: regnum.ru.