Qazaqstan musylmandary ókilderiniń barlyq musylman jamaǵatqa úndeýi

Qoldaýǵa shaqyramyz Qazaqstan musylmandary ókilderiniń barlyq musylman jamaǵatqa úndeýi Elimizdiń búkil musylman qaýymy Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń ókilettigin 2020 jylǵa deıin uzartý jónindegi bastamany tolyq qoldaıdy. Táýelsizdikke qol jetkizilgen 20 jyldyń ishinde Elbasymyz ekonomıkany órkendetip, halyqtyń ál-aýqatyn kóterip qana qoımaı, respýblıkamyzdaǵy ultaralyq kelisim men dinaralyq tatýlyqty qalyptastyrdy. Sonyń naqty kórinisi, qazirgi tańda respýblıkadaǵy 130-dan astam ult pen ulystyń, sondaı-aq 40-tan asa konfessııanyń ókilderi Qazaqstan atty berekeli birliktiń ortaq úıinde tatý-tátti ómir súrýde. Osy jyldarda elordamyz Astanada 3 ret Álemdik jáne dástúrli din lıderleriniń sezderi bolyp ótti. Jer júzindegi alýan túrli din basshylary álemniń ár túkpirindegi ult pen ulystyń, dinniń arasynda qyrǵı-qabaq qaqtyǵystar bolyp jatqan almaǵaıyp zamanda Qazaq elin sútteı uıyǵan tynyshtyqtyń, turaqtylyq pen pen beıbitshiliktiń mekenine aınaldyrǵan Elbasymyzǵa jáne búkil Qazaqstan halqyna bata-shapaǵattaryn tógip, ózge memleketterdi bizden úlgi alýǵa shaqyrdy. Elimiz egemendikke qol jetkizgeli beri asyl dinimiz – Islam barynsha órkendedi. Eger táýelsizdik alǵan kezimizde respýblıkada bar-joǵy 68 meshit bolǵan bolsa, Elbasynyń qamqorlyǵy nátıjesinde qazir olardyń sany 2371-ge jetti. Elimizdiń ótken jyly ǵana Eýropadaǵy qaýipsizdik jáne yntymaqtastyq uıymyna basshylyq jasap, ony tamasha tabyspen aıaqtaǵany kúlli álemge belgili. Al bıyl bizdiń Prezıdentimizge Islam Konferensııasy Uıymyna tóraǵalyq etý abyroıy buıyrdy. Munyń ózi Nursultan Ábishulynyń búginde Jer sharynyń 57 memleketinde turatyn 1,5 mıllıardtan astam halyqty biriktirip otyrǵan musylman dúnıesindegi asa bedeldi álemdik qaıratker ekendiginiń aıqyn dáleli. Elbasynyń sabyrly hám sarabdal saıasaty arqasynda Qazaqstan Batys pen Shyǵystyń arasyn jalǵastyratyn rýhanııat pen órkenıettiń altyn kópirine aınaldy. Táýelsizdik alǵan jyldardan beri Qazaqstanda ultaralyq kelisim men dinaralyq tatýlyqtyń berik ornyǵýy Elbasynyń kemel de dana saıasatynyń arqasynda múmkin boldy. Qurmetti musylman baýyrlar! Biz Nursultan Nazarbaevtyń egemen elimizdiń Tuńǵysh Prezıdenti bolýy Alla taǵalanyń bárimizdiń baǵymyzǵa bergen zor baqyty men úlken nyǵmeti dep bilemiz. Soǵan shúkirlik etemiz. Sondyqtan Qazaqstandaǵy barlyq meshitterdegi juma namazdarǵa qatysatyn namazhandardy – musylman jamaǵatty Qazaqstan Respýblıkasynyń Prezıdenti – Elbasy Nursultan Nazarbaevtyń ókilettik merzimin 2020 jylǵa deıin uzartý jóninde búkilhalyqtyq referendým ótkizýdi qoldaýǵa shaqyramyz. Á.Derbisáli, Qazaqstan musylmandary dinı basqarmasynyń tóraǵasy, Bas múftı, M.-H. Alsabekov, Qazaqstan musylmandary dinı basqarmasynyń naıb múftıi, Q. Joldybaıuly, Qazaqstan musylmandary dinı basqarmasynyń apparat basshysy, Q.Zańqoev, Astana qalasynyń ókil ımamy, M.Qulmuhammed, Almaty qalasynyń ókil ımamy, M.Ábsamatov, Almaty oblysynyń ókil ımamy, Q.Qydyrmın, Aqmola oblysynyń ókil ımamy, B.Esmahan, Aqtóbe oblysynyń ókil ımamy, N.Esmaǵanbet, Atyraý oblysynyń ókil ımamy, S.Seıitbekov, Batys Qazaqstan oblysynyń ókil ımamy, A.Kerimbek, Jambyl oblysynyń ókil ımamy, N.Ýtpınov, Qaraǵandy oblysynyń ókil ımamy, D.Rysbaı, Qyzylorda oblysynyń ókil ımamy, T.Jákıev, Mańǵystaý oblysynyń ókil ımamy, B.Myrzageldıev, Ońtústik Qazaqstan oblysynyń ókil ımamy, E.Balahmet, Qostanaı oblysynyń ókil ımamy, J.Berdimuratov, Pavlodar oblysynyń ókil ımamy, Q.Isaev, Soltústik Qazaqstan oblysynyń ókil ımamy, T.Myrzaev, Shyǵys Qazaqstan oblysynyń ókil ımamy, S.Mahanbet, «Islam jáne órkenıet» gazetiniń bas redaktory, O.О́mirbek, «Iman» jýrnalynyń bas redaktory.