Táýelsizdik sharalary elimizdiń barlyq aýmaǵyn qamtıdy

«Nur Otan» HDP 2011 jyldyń 10 qańtarynda barlyq jerlerde elimiz Táýelsizdiginiń 20 jyldyǵyna arnalǵan «Táýelsizdik jetistikteri» aksııasyn bastady. Osyǵan baılanysty partııa Or­ta­lyq apparat jetekshisiniń oryn­­basary Muhtar Erman ar­naıy brıfıng ótkizdi. Brıfıng ba­rysynda Táýelsizdik mereı­toıy­­nyń aýqymy men mańyz­dy­lyǵyn eskere otyryp, partııa bú­gingi kún­niń ózinde «Táý­elsizdik jetistikteri» aksııasyn bastap otyr­ǵanyn jáne osy aksııa aıa­syn­da Táýelsiz Qazaqstan tarıhy­nyń 20 jyldyq kezeńin qorytyn­dy­laýǵa, ári qaraı damýynyń vektoryn anyqtaýǵa, res­pýblıkanyń áleý­mettik, ekono­mı­kalyq jáne saıası bastamalaryn ha­lyqaralyq qo­ǵam­dastyqtyń moıyn­daýyn kórse­tý­ge baǵyttalǵan konferensııalar, dóńge­lek ústelder, forýmdar, kórmeler, baıqaýlar men kóptegen basqa da is-sharalar jáne aksııalar ótkiziletinin atap kórsetti. Jalpy, osy jyly partııa oblys ortalyqtarynda, qala­lar­­da, eldiń aýdandary men aýyl­­darynda 7 myńnan astam is-shara ótkizýdi josparlap otyr. Bul is-sharalar halyqtyń barlyq sa­natyn qamtıdy, ıaǵnı qarapaıym azamattardyń, jas­tar­dyń, bıznes qaýymdas­tyq­tar­dyń jáne ÚEU-lardyń qaty­sýy­men áleý­met­tik salanyń má­selelerin sheshýge jáne halyq­tyń ómir sapa­syn jaqsartýǵa baǵyttalǵan ár­túrli jumystar uıymdasty­rylady. Bul kúnderi elimizdiń barlyq aımaqtarynda osy aksııa aıasynda túrli sharalar qolǵa alyndy. «Egemen-aqparat».