О́kilmen jáne elshimen kezdesti

Parlament Senatynyń Tóraǵasy Qasym-Jomart Toqaev BUU-nyń jańa Rezıdent-úılestirýshisi – BUU Damý baǵdarlamasynyń Qazaqstandaǵy Turaqty ókili Norımas Shımomýrany, sondaı-aq, Ázerbaıjannyń Qazaqstandaǵy elshisi Rashad Mammadovty olardyń ótinishteri boıynsha qabyldady, dep habarlady Senattyń baspasóz qyzmeti. BUU Damý baǵdarlamasynyń Turaqty ókilimen kezdesý kezinde Q.Toqaev Qazaqstan men BUU arasyndaǵy, eń aldymen, Prezıdent N.Nazarbaevtyń jahandyq qaýipsizdikti jáne turaqty damýdy qamtamasyz etý jónindegi bastamalaryn iske asyrý bóligindegi yntymaqtastyqtyń kún tártibi mazmundy ekenin atap ótti. Qazaqstan qazirgi zamandaǵy ózekti máselelerdi sheshýdegi BUU-nyń rólin nyǵaıtýdy jaqtaıdy. BUU-nyń Rezıdent-úı­les­tirýshisi BUU Damý baǵdarla­masy­nyń Qazaqstandaǵy jobalary týraly habardar etti. Dıplomat elimiz­degi jahandyq uıym ınstıtýt­tarynyń jumys isteýi úshin ja­salǵan jaqsy jaǵdaıǵa rıza­shylyq bildirip, ornyqty damý salasyndaǵy kún tártibin iske asy­rýda Parlamentpen ózara is-qı­myldy qoldaý nıeti bar eke­nin málimdedi. Ázerbaıjan elshisimen kezdesýde Q.Toqaev Qazaqstan men Ázerbaıjan áriptestiginiń stra­te­gııalyq sıpatyn atap ótti. Se­nat Tóraǵasynyń pikirinshe, eki el­diń parlamentshileri ekijaqty deńgeı­de de, TMD PAA aıasynda da je­misti qyzmet etip keledi. Ázerbaıjan elshisi eki memleket arasyndaǵy jan-jaqty ynty­maq­tastyqty nyǵaıtýǵa yqpal etý nıetin jetkizdi. Kásipker­ler arasyndaǵy baılanystar­dy óristetý, Kaspııdegi ózara is-qı­myldy damytý, tranzıt-tasymal sa­lasyndaǵy yntymaqtastyqty nyǵaıtý jaıynda áńgime boldy.