Muz astynda qalǵan jylqylar Pavlodar aımaǵynan tabyldy

Taıaýda tártip saqshylary Pav­lo­dar oblysyna qarasty Shiderti aýylynan 12 sha­qyrym jerdegi ózenniń tabanynda sýymen birge muz bolyp, qatyp qalǵan 42 bas jylqyny tapty. Ishki is­ter basqarmasy baspasóz qyz­metiniń habarlaýynsha, bul úı janýarlary atalǵan eldi mekendegi sharýa qojalyǵyna tıesili eken. Sebebi, ótken jyldyń 3 jeltoqsanynda Ekibastuz qalalyq ishki ister basqar­masyna atalǵan qo­jalyqtyń ıesi 42 bas ma­lynyń iz-túzsiz joǵalyp ket­keni jóninde shaǵym túsirgen. – Men 2015 jyldyń 18 q­arasha kúni bir úıir jyl­qymdy joǵaltyp aldym. Ádettegideı, olardyń aman-saý ekenin kórý úshin jaıylymǵa keldim. Janýar­lardyń joq ekenin baıqap, izdeýge kiristim. Alaıda, maldarymdy tappadym, – deıdi qojalyq ıesi. – Biz ishki ister basqar­masyna kelip túsken sha­ǵym­­­ǵa baılanysty izdeý ju­mystaryn júrgizdik. Po­lıseıler Ekibastuz qa­la­sy mańyn, Aqmola jáne Qa­raǵandy oblystaryn sharlap, dala janýarynyń tuıaǵy tıedi-aý degen jerlerdi súz­giden ótkizdi. Nátıjesinde jyl­­qylardyń muzǵa aınalǵan denesin tap­tyq, – deıdi iz kesýshi polıseıler. Aıta keteıik, mamandar joǵal­ǵan jylqylardyń jalpy shyǵyny 9 mln. teńgeni quraıdy dep otyr. Ázirge bul oqıǵaǵa baılanysty tártip saqshylary áli de tergeý amal­­dary júrgiziletinin aıtty.  Tórebek TURMANOV.