«Idıkýt» romany túrik tiline aýdaryldy

Qazaqstannyń Túrkııadaǵy elshiliginiń qoldaýymen Qazaqstannyń eńbek sińirgen qaıratkeri, jazýshy-dramatýrg Ahmetjan Ashırıdiń túrik tiline aýdarylǵan «Idıkýt» romanynyń tusaýkeser rásimi ótti. Qazaq pen uıǵyr ádebıet­shiler qaýymynan joǵary baǵa alǵan ataqty shyǵarma – «Idıkýt» romany Eýrazııa Jazýshylar qaýymdastyǵyna qarasty «Bengý» baspasynan jaryq kórdi. Kitapty aýdarǵan О́mir Bilgen, baspaǵa usynyp daıyndaǵan Qazaqstannyń TÚRKSOI-daǵy ókili Málik Otarbaev. Tusaýkeser rásimine Qazaq­stannyń Túrkııadaǵy elshisi Janseıit Túımebaev, Eýrazııa Jazýshylar qaýymdastyǵynyń tóraǵasy Iаkýb Omaroǵly, Gazı ýnıversıteti Túrkııat zertteý ortalyǵynyń dırektory, professor, ǵylym doktory Hýlııa Kasapoǵly Chengel, Gazı ýnıversıtetiniń professory, ǵylym doktory Aısýn Demırez Gıýnerı jáne Ankara qalasyndaǵy shyǵarmashylyq hám mádenı ortalyqtardyń basshylary, dıplomatııalyq jáne memlekettik mekemelerdiń ókilderi, belgili túrik qalam­gerleri men jýrnalıster qa­tysty. Anadoly jurtyn túgel túr­kiniń uly kúni – Naýryz mere­kesimen quttyqtap, tusaýkeser rásimin ashqan elshi Janseıit Túımebaev Elbasy Nursultan Nazarbaevtyń bastamasymen qurylyp, búgingi kúnde beıbit qatar ómir súrý mádenıetin qalyptastyrý maqsatynda qyz­met etip, búkil álemge úlgi bolyp otyrǵan Qazaqstan halqy Assambleıasynyń jumysymen tanystyryp, Qazaqstandaǵy ultaralyq kelisim men eldiń be­reke-birligine nazar aýdar­dy. Sondaı-aq, qazaq pen uıǵyr ádebıetiniń ejelden ara­lasyp, túrki ádebıetiniń qalyp­tasýyna orasan zor úles qosqandyǵyn jáne ádebıet ókilderi arasyndaǵy qarym-qatynastyń joǵary deńgeıde damyp otyrǵandyǵyn jetkizdi. «Qazaqstan Jazýshylar oda­ǵynyń múshesi, belgili jazýshy, uıǵyr ádebıetiniń beldi ókili Ahmetjan Ashırı túrki ádebıeti men sóz óneriniń damýyna, sonyń ishinde uıǵyr ádebıetine, qazaq ádebıetine zor úles qosty. Eki týysqan ha­lyqtyń arasynda kópir boldy; eldi eldestirdi, ultty uıystyrdy. Elbasy Nursultan Nazarbaevtyń júrgizip otyrǵan sarabdal saıasaty týrasynda qalam terbedi. Tarıhı romandar jazyp, shynaıy shyǵarmalardy dúnıege ákeldi. Sondyqtan tú­rik tiline aýdarylǵan kitap­tyń shyǵýyna qoldaý bildirip, týysqan Anadoly jerinde keńi­nen nasıhattalýyna atsa­lystyq. Kitaptyń joly bolsyn, oqyrmany kóbeısin!» – dep elshi júrekjardy tilegin aıtty. Eýrazııa Jazýshylar qaýym­dastyǵynyń tóraǵasy Iаkýb Omaroǵly kitaptyń shyǵýyna jáne de tusaýkeser jıynynyń ótýine tikeleı qoldaý kórsetken elshi Janseıit Túımebaevqa Anadoly jurty atynan, túgel túrki baýyrlary atynan alǵys aıtyp, Ahmetjan Ashırıge shy­ǵarmashylyq tabystar tiledi. Túrkııadaǵy uıǵyr ádebıe­tiniń zertteýshi ǵalymdary – professor Hýlııa Kasapoǵly Chengel men professor Aısýn Demırez Gıýnerı uıǵyr áde­bıetiniń qalyptasý tarıhyn, uıǵyr ádebıetshilerdiń túrki mádenıeti men ónerge qosqan zor úlesin, qazaq pen uıǵyr ádebıeti arasyndaǵy baılanys pen damý kezeńderin, Zııa Samedı, Hızmet Abdýllın, Ahmetjan Ashırı syndy uıǵyr qalamgerleriniń sińirgen eńbekterin, «Idıkýt» romanynyń kórkemdigi men kótergen salmaǵyn egjeı-tegjeı baıandap berdi. Jıyn sońynda elshi Jan­seıit Túımebaev jazýshy Ah­metjan Ashırıdi Qazaqstan men Túrkııa arasyndaǵy dos­tyqtyń nyǵaıýyna qosqan úlesi úshin «Qazaqstan-Túrkııa Dostyǵy» medalimen marapattady. «Egemen-aqparat».