Araldaǵy ara sharýashylyǵy

aımaq úshin jańalyq bolyp tur Aral desek, kóz aldymyzǵa aq basty tóbeler men shaǵyl qumdar, odan qaldy, sýy tartylyp, tabany qurǵap jatqan teńiz kóz aldymyzǵa keledi. Degenmen, qazirgi Aral tap ondaı emes. Búginde Aral teńizi qaıta qalpyna kele bastady. Aýdannyń turmys-tirshiligi túzelip, balyq sharýashylyǵy damı tústi. Sondaı-aq, mal ósirý – araldyqtardyń ata kásibi. Sońǵy jyldary aýdan halqy memlekettiń qoldaýy men qamqorlyǵyn sezinip, basqa salaǵa da den qoıyp keledi. Sonyń biri ara sharýashylyǵy bolyp otyr. Taıaýda jańa kásiptiń tizginin ustaǵysy kelgen Nurbek Seksenbaev «Bıznestiń jol kartasy-2020» baǵdarlamasy negizinde qaıtarymsyz 1 mln. teńgelik nesıe utyp aldy. – Atalǵan baǵdarlama aıasynda aral­dyqtar bastaýysh kásipker retinde 300 myń teńgeden 3 mıllıon teńgege deıin qaıtarymsyz nesıege qol jetkizýde. Árıne, bul jaqsy. Endi aýdanymyzda túrli baǵyttaǵy óndiris salasy túlep, halyqtyń turmysy túzeledi. Ekono­mıkamyz da ilgerileı túsedi, – dedi Qyzylorda oblystyq kásipkerler palatasy Aral aýdandyq fılıalynyń dırektory Qadyrhan Eńsepov. Sondaı-aq, ol: «Bizge Nurlybek Sek­senbaevtyń ara sharýashylyǵyn damytý maqsatyndaǵy jobasy unady. Endi bastaýysh kásipker alǵan nesıesi boıynsha jańa iske kirisip, 2 adamdy turaqty jumyspen qamtıdy», – dedi. Aıta keteıik, ınnovasııalyq jobanyń ıesine kásipkerler palatasynyń mamandary bıznes-jospardy tegin ázirlep bergen. Munyń ózi kásipker úshin úlken kómek ekeni sózsiz. Talǵat RAIYMBEK, «Egemen Qazaqstan».