Onda 2 mıllıon 800 myń teńge jınaldy
Kókshetaýdaǵy Dostyq úıinde Aqmola oblystyq Qazaqstan halqy Assambleıasynyń janyndaǵy Analar keńesi oblystyq ákimdiktiń qoldaýymen el Táýelsizdiginiń 25 jyldyǵyna oraı «Qaıyrymdylyq kerýeni» respýblıkalyq aksııasy sheńberinde aýksıon ótkizdi.
Naýqas balalar men olardyń otbasylaryna kómek kórsetýge baǵyttalǵan bul sharaǵa oblystyq basqarmalardyń basshylary, kásiporyndardyń jetekshileri, memlekettik qyzmetkerler men kásipkerler qatysty. Qaıyrymdylyq aksııasynyń ashylý rásiminde Aqmola oblysy ákiminiń orynbasary Nurlan Nurkenov kómekke muqtaj jandarǵa qolushyn sozýǵa nıet bildirgen azamattarǵa alǵysyn bildirdi.
– Oblysymyzda múmkindigi shekteýli, ómirge qushtar jandar az emes. Olar qaıyrymdy azamattardyń kómegine muqtaj. Sondaı jandarǵa qolushyn berý qalypty nársege aınalýy kerek dep esepteımin. Sonda bizder ózgelerge úlgi bolyp, meıirimdiliktiń dástúrli túrde jalǵasýyna uıytqy bolamyz, – dedi Nurlan Jańbyrshyuly.
Budan keıin alty kezeń boıynsha 30 lot oınatyldy. Munda ónerpaz daryndy balalarmen jumys júrgizý jónindegi oblystyq oqý-ádistemelik ortalyǵy men «Áýlet» mektepten tys jumys ortalyǵy oqýshylarynyń qolóner buıymdary satylymǵa tústi. Sondaı-aq, Aqmola oblystyq Qazaqstan halqy Assambleıasynyń halyqtyq sándik-qoldanbaly shyǵarmashylyq sheberleriniń týyndylary qoıylǵan arnaıy satylym kórmesi usynyldy. Satýdan túsken qarjy Aıdarbek Qaparov pen Mansur Qusaıynov esimdi eki naýqas balany emdeýge jumsalmaq.
Aýksıon qorytyndysynda arnaıy komıssııa aqshalaı jáne shotqa aýdarý arqyly 2 mıllıon 800 myń teńgeden astam qarjy jınalǵanyn málimdedi. Bul aqshany Aqmola oblystyq Qazaqstan halqy Assambleıasy janyndaǵy Analar keńesiniń tóraıymy Zere Qıyqova atalǵan balalardyń analary Nurgúl Qusaıynova men Sardal Omarálıevaǵa tabys etti.
Baqbergen AMALBEK,
«Egemen Qazaqstan».
Aqmola oblysy.
Kókshetaýdaǵy Dostyq úıinde Aqmola oblystyq Qazaqstan halqy Assambleıasynyń janyndaǵy Analar keńesi oblystyq ákimdiktiń qoldaýymen el Táýelsizdiginiń 25 jyldyǵyna oraı «Qaıyrymdylyq kerýeni» respýblıkalyq aksııasy sheńberinde aýksıon ótkizdi.
Naýqas balalar men olardyń otbasylaryna kómek kórsetýge baǵyttalǵan bul sharaǵa oblystyq basqarmalardyń basshylary, kásiporyndardyń jetekshileri, memlekettik qyzmetkerler men kásipkerler qatysty. Qaıyrymdylyq aksııasynyń ashylý rásiminde Aqmola oblysy ákiminiń orynbasary Nurlan Nurkenov kómekke muqtaj jandarǵa qolushyn sozýǵa nıet bildirgen azamattarǵa alǵysyn bildirdi.
– Oblysymyzda múmkindigi shekteýli, ómirge qushtar jandar az emes. Olar qaıyrymdy azamattardyń kómegine muqtaj. Sondaı jandarǵa qolushyn berý qalypty nársege aınalýy kerek dep esepteımin. Sonda bizder ózgelerge úlgi bolyp, meıirimdiliktiń dástúrli túrde jalǵasýyna uıytqy bolamyz, – dedi Nurlan Jańbyrshyuly.
Budan keıin alty kezeń boıynsha 30 lot oınatyldy. Munda ónerpaz daryndy balalarmen jumys júrgizý jónindegi oblystyq oqý-ádistemelik ortalyǵy men «Áýlet» mektepten tys jumys ortalyǵy oqýshylarynyń qolóner buıymdary satylymǵa tústi. Sondaı-aq, Aqmola oblystyq Qazaqstan halqy Assambleıasynyń halyqtyq sándik-qoldanbaly shyǵarmashylyq sheberleriniń týyndylary qoıylǵan arnaıy satylym kórmesi usynyldy. Satýdan túsken qarjy Aıdarbek Qaparov pen Mansur Qusaıynov esimdi eki naýqas balany emdeýge jumsalmaq.
Aýksıon qorytyndysynda arnaıy komıssııa aqshalaı jáne shotqa aýdarý arqyly 2 mıllıon 800 myń teńgeden astam qarjy jınalǵanyn málimdedi. Bul aqshany Aqmola oblystyq Qazaqstan halqy Assambleıasy janyndaǵy Analar keńesiniń tóraıymy Zere Qıyqova atalǵan balalardyń analary Nurgúl Qusaıynova men Sardal Omarálıevaǵa tabys etti.
Baqbergen AMALBEK,
«Egemen Qazaqstan».
Aqmola oblysy.
