Baǵyt-baǵdary belgilengen basqosý

Álemniń kóptegen elinde ótkizi­lip júrgen Iаdrolyq qaýip­sizdik jónindegi sammıttiń búgingi tańda mańyzy artyp keledi. Sebebi, osy arqyly jahandyq qaharly sıpat alǵan terrorlyq áreketterge bas­taıtyn ıadrolyq qarýdy qoldaný qaýpin tómendetýge múmkindik bar. Al bizdiń memle­ketimiz mundaı alapattyń zardabyn aldyn ala sezip, osydan 25 jyl buryn-aq ıadrolyq qarýdan bas tartýdyń ǵalamat úlgisin kórsetkendi. Iаǵnı, Semeı ıadrolyq polıgonyn jaýyp, ıadrolyq qarýdy synaý jumystaryna túbegeıli núkte qoıǵan Elbasy Nursultan Nazarbaevtyń kóregendigi týraly óz elimizde ǵana emes, álem elderinde aıtylyp jatty. Bizdiń «Nevada-Semeı» antııadrolyq qozǵaly­sy­­myz­dan alǵan tájirıbelerimizdi ózgeler baqylady. Halyqaralyq qaýymdastyqpen birige otyryp, osy sııaqty bes ıadrolyq derjavanyń polıgondaryn jabýǵa qol jetkizdik. Beıbit ómirdi qoldaıtyn, soǵyssyz jáne tynysh álemde ómir súrýge bastaı­tyn áreketterdiń bolyp jatqandyǵy kóńil qýantqanymen, álemde áli de bolsa bul qaýipter saqtalyp otyr. Son­dyqtan da ıadrolyq jáne basqa da qaterli qarýlardan azat bolǵan álemdi qurý úshin mundaı kezdesýlerdiń orny bólek, mańyzy aıryqsha. Tuńǵysh Prezıdentimiz Nursultan Nazarbaevtyń ıadrolyq qaýipsizdik máselesindegi berik jáne kezekti pozısııasy álem kóshbasshylary­nyń nazaryna ilikti. Qazaqstan Iran­­daǵy problemanyń sheshilýine yq­pal etken ıadrolyq derjavalardyń dıalog alańyna aınaldy. Jáne de álem boıynsha ýran qory jaǵynan alda keletin sondaı-aq, onyń kenin óndirý jóninen álemdik kóshbasshy memleketimiz MAGATE-men birlesip Tómen baıytylǵan ýran bankin qurýda óz múmkindikterin júzege asyrýda. Osy arqyly ıadrolyq energııany beıbit maqsatta paıdalanǵysy keletinder Bank resýrsyn qoldanýyna bolady. Jalpyadamzattyq máseleler talqy bola­tyn osyndaı keleli kezdesýlerge qa­ty­syp, udaıy ózindik paıym-parasatyn bil­dirip júretin Elbasymyz álemdi ıadrolyq qater­den aryltýǵa shaqyrady. Sondyqtan da, Pre­zı­dentimizdiń álemdik aýqymda saıası tulǵa bolyp tabylatynyn barsha moıyndaıdy. Jáne onyń adamzattyń qaýipsizdigin saqtaý jolyndaǵy eren eńbegi joǵary qurmetke laıyq. Ahmet MÝRADOV, Parlament Májilisiniń depýtaty.