Túsindirý jumystary júrgizildi

Qostanaıda Ulttyq ekonomıka mınıstriniń orynbasary Qaıyrbek О́skenbaev bolyp, Qazaqstan Respýblıkasy – «100 naqty qadam» Ult Jospary sheń­berinde Jer kodeksine ózge­rister engizilýine baılanysty zańnamalardy qoldaný normalaryn túsindirý máseleleri boıynsha keńeske qatysty. Onda Qaıyrbek Aıtbaıuly aýyl sha­rýashylyǵyna paıdalanatyn jerlerdi jekemenshikke berý tetikteri, soǵan oraı salyq zań­daryna engizilgen ózgerister, aýksıonǵa túsken jer ýchaskelerin satyp alý qaǵıdalary týraly aıtyp berdi. Oblys ákiminiń birinshi orynbasary Ǵaýez Nurmaǵanbetovtiń aıtýynsha, oblysta osy kezge deıin 45 300 gektar jer je­ke­­men­shiktiń qolynda, qalǵan aýylsharýashylyq maqsatyndaǵy 10 100 506 gektar satylýǵa ja­ram­dy dep esepteledi. Jerdiń je­kemenshikke satylý tetikteri tý­raly máseleni oblystaǵy aýyl­sharýashylyq taýarlaryn ón­dirýshiler, kásipkerler tyńdap, mınıstrdiń orynbasaryna jáne onymen birge kelgen mamandarǵa suraqtar berdi. Olar kóbine aýylsharýashylyq maqsatyndaǵy jer satylǵanda onyń baǵasy bonıtetine qaraı eskerilse degen tilek aıtty. О́ıt­keni, dıqandar qandaı da kútim bolǵanymen ónim alýda jer­diń tabıǵı bonıteti basty kór­setkishti beretinin aıtty. Ulttyq ekonomıka mınıstriniń orynbasary Qaıyrbek О́skenbaev jergilikti kásipkerler men aýylsharýashylyq taýarlaryn ón­­­dirýshiler jáne jýrnalıster suraq­taryna jaýap berdi. Názıra JÁRIMBETOVA, «Egemen Qazaqstan» QOSTANAI