Áriptestiktiń belsendi baǵyttary

Jýyrda «QazMunaıGaz» Barlaý О́ndirý» aksıonerlik qoǵamynyń bas dırektory Qurmanǵazy Esqazıev elimizde issaparmen júrgen Eni S.p.A kompanııasynyń aǵa vıse-prezıdenti – barlaý óndirý jónindegi bas dırektory Antonıo Vellamen kezdesti. Eni S.p.A – munaıdy zertteý, tasymaldaý jáne ıgerýmen, bazalyq maı jáne qos­pa óndirisimen, sondaı-aq, blendıng pen taýarlyq maıdy bólshektep ólsheýmen aınalysatyn álemdegi sanaýly munaı kompanııalarynyń biri. Dúnıejúziniń 70 elinde bıznes júrgizip otyrǵan kompanııada 76 myńdaı adam jumys isteıdi. Osyndaı iri kom­panııanyń ókilimen kezdesý eki taraptan da resmı sı­pat­ta ótti. Kezdesýge atalmysh sheteldik kompanııanyń Or­talyq Azııa boıynsha vıse-prezıdenti Danıelle Ver­torellı men Qashaǵan, Qara­shyǵanaq jobalary jónindegi basqarýshy dırektory Lýka Vınıattı qatysqanyn atap ótý qajet. Kezdesý barysynda Antonıo Vella Qurmanǵazy Esqazıevty «QazMunaıGaz» Barlaý О́ndirý» AQ bas dı­rektory laýazymyna ta­­ǵaıyndalýymen jáne «Qazaqstan Respýblıkasy kó­mir­sýtegi áleýetin ǵylymı negizdeý» taqyrybyndaǵy jumystar sıkli úshin Ál-Farabı atyn­daǵy Memlekettik syılyq – joǵary marapatyn alýymen quttyqtady. Áriptester «QMG» BО́» AQ jáne Eni S.p.A-nyń eki­jaq­ty qarym-qatynas ynty­­maqtastyǵynyń ózara tıim­diligi jaıyn, atap aıt­qanda, barlaý jáne óndirý sala­syn­daǵy jańa tehnologııalar, qyzmetkerlerdi basqarý jáne mamandar áleýetin damytý, sondaı-aq HR qyzmeti jumys­kerleri arasynda táji­rıbe almasý týraly máse­le­ler­di talqylady. Budan basqa, taraptar korporatıvtik basqarýdy jaqsartý másele­leri boıynsha pikir almasty. Aıta keteıik, «QazMu­naı­Gaz» Barlaý О́ndirý» AQ kompanııasy byl­tyr­ǵy jyldyń qory­tyndysy boıynsha munaı óndirý kóle­mi jaǵynan elimizdegi kósh­­­bas­­shylardyń úshtigi­ne kirdi. Dá­li­reginde mu­na­ı­dyń dálel­dengen jáne bol­jamdy qor­larynyń kólemi birlesken kásip­oryn­dardaǵy úlesti eseptemegende 2015 jyldyń sońyndaǵy jaǵdaı boıynsha 152 mln. tonnany qurady. Marat AQQUL, «Egemen Qazaqstan»