Búgin Qazaqstannyń basym bóliginde turaqsyz aýa raıy saqtalady

ASTANA. 2 mamyr. Búgin Qazaqstannyń basym bóliginde atmosferalyq frontaldy bólikterdiń ótýine baılanysty keı aımaqtarda jaýyn jaýady, naızaǵaı oınap, tuman túsedi. Sonymen qatar, jeldiń kúsheıýi saqtalady, ońtústik óńirde burshaq jaýýy múmkin. Bul týraly Ishki ister mınıstrligi tótenshe jaǵdaılar komıtetiniń baspasóz qyzmetine silteme jasaǵan egemen.kz tilshisi habarlady. Ońtústik Qazaqstan oblysynyń keı jerlerinde túnde naızaǵaı oınaıdy, jeldiń jyldamdyǵy sekýndyna 15-20 metrge deıin kúsheıedi, túnde ekpini 23 metr bolady. Qostanaı oblysynyń keı jerlerinde naızaǵaı oınap, túnde jel kúsheıedi, kúndiz basym bóliginde jeldiń jyldamdyǵy sekýndyna 15-20 metrge deıin barady. Soltústik Qazaqstan, kúndiz Aqmola, Pavlodar, Qaraǵandy, Qyzylorda oblystarynyń keı jerlerinde jeldiń jyldamdyǵy 15-20 metrge deıin kúsheıedi. Atyraý oblysynyń keı jerlerinde naızaǵaı, tuman kútiledi. Mańǵystaý oblysynyń keı jerlerinde tuman, kúndiz keı jerlerinde naızaǵaı oınaıdy. Batys Qazaqstan, túnde jáne tańerteń Shyǵys Qazaqstan  oblystarynyń keı jerlerinde tuman kútiledi. Almaty oblysynyń keı jerlerinde naızaǵaı bolady dep kútiledi. Shyǵys Qazaqstan oblysynyń keı jerlerinde aýa temperatýray -2 gradýsqa deıin barady. Al Aqtóbe oblysynyń keı jerlerinde óte joǵary órt qaýpi saqtalady. Aıan Ábdýálı. Derek: Ishki ister mınıstrligi tótenshe jaǵdaılar komıtetiniń baspasóz qyzmeti. Foto: newsbomb.gr.