Múmkindigińdi paıdalan, múlkińdi jarııala!

Múlikti jarııa etý boıynsha ra­qymshylyq bıylǵy jyldyń sońyna deıin sozylǵandyqtan Semeı qa­lasynda osyǵan oraı jumystar qyzý ári qarqyndy júrip jatyr. Komıssııaǵa ártúrli suraqtary bar adamdar kóptep kelýde. Máselen, Reseıdegi aqshalarymdy jarııalasam bola ma dep suraǵandar da jeterlik. Biraq, sheteldegi aqsha máselesi bizdiń quzyrymyzda emes deıdi, Semeı qalasyndaǵy múlikti jarııa etý boıynsha komıssııa hatshysy Ásem Balapanova, bizde tek jyljymaıtyn múlikti jarııalaý ǵana qarastyrylǵan. Jáne taǵy bir mynandaı saýal qoıyldy: mem­lekettiń ruqsatymen alynǵan jer ýchaskesine úı salynǵan. Alaıda, bul úıdiń qujattary joq. Osy úı men jerdi tirkeýge tapsyrýǵa bola ma? Jáne osy rette múlikti jarııa etý aksııasynyń jeńildikterin paıdalaný múmkindigi bar ma? Ásem Balapanovanyń aıtýynsha, eger memleket jer ýchaskesin berse, on­da salynǵan qujatsyz úıdi de ja­rııa etýge bolady. Memleket bul aksııany osyndaı jaǵdaılar úshin uıymdastyryp otyr. Ol úshin úı salǵan azamat jergilikti ákim­dik qasynan múlikti jarııa etýge qa­tysty qurylǵan komıssııaǵa óti­nish­ pen óziniń jeke basyn kýá­lan­­­dy­ratyn qujatty tapsyryp, óti­nish­te óziniń joǵarydaǵy úıge qa­tys­ty maq­satyn aıqyn jazýy qajet. Semeı qalasyndaǵy múlikti ja­rııa etý boıynsha komıssııa hatshysy Ásem Balapanova mysalǵa keltirgendeı, bastapqy kezde úı-jaılaryn jarııalaǵandar kóp kelgen. Keıinirek jekemenshik kafe, monsha sııaqty bıznes nysandaryn jarııalaýǵa da halyq qulshynys bil­dire bastapty. Semeıde múlikti ja­rııa­laýǵa degen yqylas erekshe bolyp tur. Turǵyndardyń belsendiligi joǵary. Múlikti jarııa etý degenimiz – tabystardy jasyrý maqsatynda zańdy ekonomıkalyq aınalymnan shyǵarylǵan jáne elimizdiń zańnamasyna sáıkes resimdelmegen, ne tıisti emes tulǵaǵa resimdelgen múlikke quqyqtardy memlekettiń taný rásimi ekendigin atap ótý qajet deıdi, Semeı qalasyndaǵy múlikti jarııa etý boıynsha komıssııa hatshysy Ásem Balapanova. – Semeı qalasy boıynsha 2014 jyl­dyń 1 qyrkúıeginen búgingi kúnge deıin múlikti jarııa etýge 291 ótinish qabyldandy, – dedi múlik­ti jarııa etý boıynsha komıssııa hat­shysy Ásem Balapanova – onyń ishinde jalpy quny 741,7 mln. teńge bolatyn 233 ótinish qana­ǵat­tandyryldy. Múlikti jarııa etý – tabystardy jasyrý maqsatynda zańdy ekonomıkalyq aınalymnan shyǵarylǵan jáne Qazaqstan Respýblıkasynyń zańnamasyna sáıkes resimdelmegen, ne tıisti emes tulǵaǵa resimdelgen múlikke quqyqtardy memlekettiń taný rásimi bolyp tabylady. Múlikti jarııa etý naýqany Qazaqstan azamattaryna, oralmandarǵa jáne Qa­zaqstan Respýblıkasynda turý­ǵa yqtııarhaty bar adamdarǵa, olar­dyń jyljymaıtyn múlikterin zańdastyrý úshin jarııalandy. Sondyqtan kóleńkeli ekonomıkany meılinshe azaıtý maqsatynda bizder birlese otyryp osy bastalǵan úderisti aıaqtap shyǵýǵa tıispiz. Ol bizdiń azamattarymyzdyń adal bolyp, alańsyz uıyqtap, salyqtardy ýaqtyly tólep, jaýapkershilikke tartylamyn dep alańdamaı ómir súrýleri úshin qajet.  Raýshan NUǴMANBEKOVA SEMEI