О́ner • 26 Tamyz, 2022
Ulttyń naǵyz qazaqy qalybyn tanytyp, bútin bolmys-bitimin bederlep beıneleıtin qazaq kınematografynda sirá «Qyz Jibekten» asqan fılm joq shyǵar. Ondaǵy ásem de baı til, kórkem de kelisti kostıýmder, tula boıyńdy álemtapyryq kúıge bóleıtin mýzyka, kilti sátti tabylǵan kesek keıipkerler – munyń barlyǵy túsirilim aınalasyna toptasqan talanttardyń jemisti jumysynyń jeńisi, ulttyq ónerdiń teńdessiz oljasy ekeni daýsyz.
О́ner • 25 Tamyz, 2022
«Qyz Jibek» – ulttyń boıtumary
Ulttyq óner keńistiginde túrli janr men san alýan stılde sóılegen «Qyz Jibektiń» sanynda shek joq. Árqaısysy ózinshe órnekti, ózinshe aıshyqty. Sonyń ishinde, ásirese 1934 jyldyń 7 qarashasynda tuńǵysh tusaýy kesilgen eń alǵashqy «Qyz Jibektegi» Kúlásh Baıseıitova men Qurmanbek Jandarbekov bastaǵan talanttar joly keıin ekran tilinde kórermenin qýantqan Sultan Qojyqovtyń áıgili fılmindegi aıshyqty beınelermen tipti bederlenip, jurtshylyq júregine odan ári jaqyndaı tústi. Jyrdan shabyt alyp, opera men kıno kemel jol salyp bergen ulttyq folklor jaýhary drama teatrlary sahnasyna da sáýleli iz qaldyryp, óner keńistigi muǵjızasynyń múmkindigin baıytty. Osylaısha rejısserler qııalyna qanat bitirgen ǵajaıyp týyndy ár sahnalanýynda sony tynys ashyp, jańa belesterde jarqyrap bıikteı berdi.
Teatr • 31 Shilde, 2022
Kúzde elimizdegi eńseli de eń úzdik óner ordalary – «Astana Opera» men «Astana Balet» teatrlary H mereıtoılyq maýsymnyń shymyldyǵyn túredi. 10 jyl boıy elordalyq kórermendi bekzat ónerdiń rýhanı raqatyna bólep kele jatqan tańǵajaıyp teatrlardyń talantty trýppasy úshin bul meje – taǵy bir tabysty beles, tamasha kezeń ekendigi sózsiz. Ýaqyt aǵzam alaqanynda bederlengen on jyldyq shejiresin tarıh qoınaýyna qaldyrǵaly otyrǵan óner ujymdarynyń toǵyzynshy teatr maýsymyndaǵy tabystary tańdaı qaqtyrady.
Teatr • 17 Shilde, 2022
«Astana Operanyń» jetekshi solısi, Qazaqstannyń eńbek sińirgen qaıratkeri Baqtııar Adamjannyń óner kórsetýleriniń geografııasy jyldan jylǵa keńeıýde. Osy jazdyń ózinde ony kórermenderi álemniń birqatar elderinde kútýde. Atap aıtsaq, otandasymyzdyń qatysýymen maýsymda Mılanda 8 Gala-konsert ótti. Endi ártis Italııanyń basqa da qalalarynyń, sondaı-aq Fransııa men Aýstralııa kórermenderin tańǵaldyrýǵa daıyndalýda.
Teatr • 17 Shilde, 2022
Muqanǵalı Tomanov: Teatr kórermendi tárbıelemeıdi
Sahna sýretkerlikti súıedi. Kórkem oılap, kelisti óner týdyra bilgen janǵa kıeli keńistiktiń usynar tartýy mol. Sondyqtan bolsa kerek, taǵdyry teatrǵa baılanǵandardyń báriniń birdeı ónerde joly bolyp, óristi óner týdyrýy sırek qubylys. Saf óner ıesine talǵap, tańdap qonady. Rejısser Muqanǵalı Tomanovtyń spektaklderin sana bıiginde saraptap kórgen kórermen dál osyndaı oıǵa berileri sózsiz. Búginde M.О́temisuly atyndaǵy Atyraý oblystyq akademııalyq drama teatrynyń kórkemdik jetekshisi qyzmetin abyroımen atqaryp júrgen óner ıesiniń ár qoıylymy teatr áleminde eleýsiz qalyp kórgen emes. Únemi anshlag, árdaıym jeńis. Elimizdi bylaı qoıǵanda, alys-jaqyn shetelderde týǵan eldiń baıraǵyn joǵary kóterip, sáýleli ónerimen talaıdy tánti etip júrgen sýretkerdiń kóńil túkpirinde saqtalǵan syrlary da mol.
Teatr • 14 Shilde, 2022
Maýsym mereıi – «Orfeı men Evrıdıka»
«Astana Balet» teatry toǵyzynshy maýsymynyń shymyldyǵyn «Orfeı men Evrıdıka» bir aktili baletiniń premerasymen japty. Bas dırıjer Arman Orazǵalıevtiń jetekshiligindegi sımfonııalyq orkestrdiń súıemeldeýimen ótken spektakldi horeograf Krıstına Polın qoıdy.
Teatr • 13 Shilde, 2022
Tamyrynan tektilik daryǵan Alan Bóribaevtyń ónerdegi ár qadamy álem nazarynda. Jyl saıyn mýzyka tilindegi jarqyn jobalarymen tyńdarmanyn tánti etip júrgen daryndy dırıjerdiń «Astana Operanyń» IH teatr maýsymynyń jabylýyna daıyndaǵan tartýy – «Parıjden kádesyı» avtorlyq baǵdarlamasy.
Elorda • 06 Shilde, 2022
Arqa tórinde boı kótergen arý astana ýaqyt-aǵzam ajaryna belgi salǵan sanaýly jyldyń ishinde-aq saıası-ekonomıkalyq baǵyttyń barometri ǵana emes, ónerimiz ben mádenıetimizge uıytqy bolar ultymyzdyń shyn mánindegi rýhanı ómiriniń aınasyna aınalyp úlgerdi. Jer-jahannyń nazaryn ózine burǵyzyp, jyl saıyn emes, aı saıyn, tipti kún saıyn qanatyn keńge jaıyp, qulpyryp, jaınap, el egemendigimen birge eńsesin tiktep, erke Esilmen egiz jasasqan bas qalamyzdyń baıandy tarıhy talaı ıgi bastamalar men ulaǵatty oqıǵalardyń sebepshisi hám dánekershisi bolyp keledi.
Rýhanııat • 23 Maýsym, 2022
Qaraǵandy oblysyna qarasty Qarqaraly aýdanynda erekshe kól bar. Aty ǵana emes, zaty da jumbaq. Shaıtankól! Tabıǵattyń bul tamasha tartýynyń tylsymyna boılaımyz dep baǵzydan búginge deıin talaı ǵalymdar ter tókken. Alaıda áli kúnge deıin óziniń ózgeshe kúıinen syr aldyrmaı kele jatqan sý aıdynynyń shynymen de ishine búkken qupııasy kóp sııaqty...
Rýhanııat • 22 Maýsym, 2022
Qundylyqtarymyzǵa kim qorǵan bolady?
Osydan birneshe jyl buryn Italııanyń birqatar iri mádenı qalasyn aralaý baqyty buıyrdy. Á degende bizdi baýrap alǵany ondaǵy atmosfera edi. Beıne bir antıka dáýirine top ete qalǵandaı kúıdi bastan keshtik. Ǵajap kúı, ǵalamat sezim! Nege? Sebebi onda shynaıylyq bar edi. Mádenıeti bir basqa, halqynyń ultyna degen súıispenshiligi eriksiz tebirentti. Turǵyndarynyń janarynan ótkenine, tarıhı qundylyqtaryna degen sheksiz qurmetti kórdik, sezdik. Kóshe boıyna sán bergen kóne ǵımarattardyń qulaǵan ár kirpishi men ajyrap túsken árbir sylaǵynyń ornynan ómir únin izdegen adamdary sonysymen de aıaýly kórindi. Al bizde she? Bári kerisinshe...
