Sport • 10 Qazan, 2024

Jarystar kúndeligi

Búkilálemdik boks uıymy (WBO) orta salmaqtaǵy WBO men IBF nus­qasy chempıondyq tájiniń ıegeri Jáni­bek Álimhanulyn (16-0, 11 KO) Ulybrı­tanııanyń dúldúli Hamza Shıraz­ben ju­dyryqtasýdy mindettedi. Qazirgi kezde Londonnyń irgesindegi Ilfort qalasynyń týmasy EBU European men WBC Silver dep atalatyn ortańqol nusqalardyń altyn belbeýine ıe. Biraq Shırazben sanaspaýǵa bolmaıdy. 21 kezdesýdiń barlyǵyn jeńispen aıaqtap, 17 qarsylasyn nokaýtqa jibergen Hamza – óte qarýly jigit.

Suhbat • 23 Tamyz, 2024

Qazaq boksyna túbegeıli ózgeris qajet - Baqyt Sársekbaev

Boksshy Baqyt Sársekbaevtyń esimi qazaq jankúıerlerine jaqsy tanys. 2008 jyly Beıjińdegi Olımpııa oıyndarynda otandyq bylǵary qolǵap sheberleri arasynan jalǵyz ózi bas júldeni oljalap, elimizdiń ánuranyn shyrqatty. Odan bólek, qandasymyzdyń Azııa oıyndarynyń jeńimpazy (2006 jyly), Azıadanyń qola júldegeri (2002), qurlyqtyń úsh dúrkin chempıony (2002, 2005, 2007) degen ataqtary taǵy bar. Sol tabysynyń arqasynda «Qazaqstannyń eńbek sińirgen sportshysy» ataǵyn alyp, I dárejeli «Barys» ordenimen marapattaldy. Sodan keıin biraz ýaqyt elimizde jattyqtyrýshy bolyp qyzmet etti. Taıaýda ǵana boksshymen tildesýdiń sáti túsip, Parıj Olımpıadasyndaǵy qazaq boksshylarynyń óneri áńgimemizdiń arqaýyna aınaldy.

Sport • 22 Tamyz, 2024

Qaı komandanyń kóshi ilgeri?

Parıj Olımpıadasy tusynda bas basylymda osy básekelerdiń barysy jóninde qulash-qulash maqalalar jaryq kórdi. Munda negizinen ulttyq qurama músheleriniń nátıjelerine basa nazar aýdardyq. Al búgin ózge memleketterde qaı sport túrlerine basymdyq berilgenin anyq­taý maqsatynda árqaısysyna jeke-jeke toqtalýdy jón kórdik.

Sport • 15 Tamyz, 2024

Erkin kúreste esemiz ketip júr

Parıj Olımpıadasynda erkin kúresten Qazaqstannyń ulttyq quramasyna birde-bir júlde buıyrmaǵany, árıne, ókinishti. Senim artqan tórt balýan bastapqy básekelerinde jeńilistiń kermek dámin tatyp, elge eńsesi túsken kúıde oraldy. Biraq odan jarystyń qyzyǵy men shyjyǵy esh kemigen joq. Barsha jankúıer álemniń ár qıyrynan kelgen saqa sportshylar men daryndy jastardyń «jan alysyp, jan berisken» aıqastaryn tamashalap, solardyń óreli ónerinen keremet áser aldy.

Sport • 14 Tamyz, 2024

«Klassıkter» básekesi

Parıj Olımpıadasyndaǵy grek-rım kúresi sheberleriniń aıqasyn tamashalaı otyryp nebir keremet kórinisterdiń kýási boldyq. Osy jarysta birqatar sensasııalyq nátıje tirkeldi. Chempıondar tuǵyrdan taıyp, olardyń ornyn basqa balýandar basty. Keıbir salmaqtaǵy saqa sportshylar óziniń myqtylyǵyn kezekti ret moıyndatty. Keıbir kókjaldar súreńsiz óner kórsetip, qalyń toptyń arasynda qalyp qoıdy.

Olımpıada • 13 Tamyz, 2024

Parıj Olımpıadasy: Jetistigimiz – jeti júlde

Fransııa astanasy Parıjde ótken HHIII jazǵy Olımpııa oıyndary aıaqtaldy. 17 táý­­lik boıy jer-jahandy dúbirge bóle­gen baı­­raqty básekege 206 memleketten kel­gen 10 714 sportshy qatysty. Tarqatyp aıtsaq, Afrıkadan – 51, Eýropa­dan – 48, Azııadan – 44, Amerıkadan – 17 jáne muhıt jaǵalaýynan 17 el­diń ókilderi sheberlik baıqasty. Buǵan qosa baq synaýshylar qatarynda beı­tarap sportshylar men bosqyndar komandasy boldy. «Olımpıadalyq bitim» dep atalatyn kóneden kele jatqan ata dástúrdi buzǵany úshin Reseı men Belarýstiń jarysqa qatysýyna qatań shekteý qoıyldy. Úmitkerler ­32 sport túri boıynsha 329 medal jıyntyǵyn sarapqa saldy. Al keıingi ­úsh kúnde elimizdiń órenderi qalaı óner kórsetti? Búgingi maqalamyzdy osy­dan bastasaq.

Sport • 06 Tamyz, 2024

Eldostyń erligi jáne sańlaqtardyń san soqqan kúni

Dzıýdoshylar Parıj Olımpıadasyn aıaqtady. Bul Qazaqstan úshin tarı­hı oıyn­dar boldy. О́ıtkeni buǵan deıin elimizdiń birde-bir tatamı sheberi atal­ǵan jarystyń altyn tuǵyryna kóterilgen emes. Ondaı erlik jasaýǵa asa jeńil salmaqtaǵy Eldos Smetovtiń kúsh-jigeri men qarym-qabileti jetti. Osyǵan deıin otandyq dzıýdo tarıhynda jastar arasyndaǵy tuń­ǵysh álem chempıony jáne Azııa oıyndarynyń jeńimpazy, osy sport túrin serik etken qazaq balýandary arasyndaǵy tuńǵysh álem chempıony retinde esimi sport­tyq shejirede altyn áriptermen jazylǵan Eldos Fransııanyń bas shaharynda taǵy bir tarıh­ta qalatyndaı úlken is tyndyrdy. Ahmet Jumaǵulov pen Ǵalymjan Jylkeldıev shákirtiniń tabysyna kúlli Alash jur­ty shattana qýandy. Endi Smetovtiń qorjynynda Olımpıadanyń tolyq júlde jıyntyǵy bar. Atap aıtsaq, ol 2016 jyly Rıoda – kúmis, 2021 jyly Tokıoda – qola, 2024 jyly Parıjde altyn medaldy moınynda jarqyratty.

Olımpıada • 06 Tamyz, 2024

Narımannyń kúmisi

Senbiniń keshinde Parıj Olımpıadasyn tamashalaǵan san mıllıon jankúıerdi Narıman Qurbanov qýantty. Sporttyq gımnastıkanyń at jattyǵýy boıynsha synǵa túsken sańlaq kúmis medaldy oljalady. Bul – sporttyń osy túri boıynsha otandastarymyzdyń táýelsizdik alǵan kezeńnen bergi Olımpııa oıyndarynyń alǵashqy júldesi.

Sport • 28 Maýsym, 2024

Boksshylar qorjyny bos qaıtpaıdy

Fransııanyń bas shaharynda alaýy tutanatyn XXXIII jazǵy Olımpııa oıyn­darynda bokstan elimizdiń erler qurama komandasynyń músheleri barlyq jeti salmaq dárejesinde kúsh synasady. Jankúıerler boksshylarymyzdan árkez tek joǵary nátıje kútetini sózsiz. Bul joly Parıjde de úkili úmitimiz aqtalady dep oılaımyz.

Olımpıada • 21 Maýsym, 2024

Jeti Olımpıadada – 70 júlde. Az ba, kóp pe?

Olımpııa oıyndaryna qatysyp, tórt jylda bir ótetin ǵalamdyq dodada jeńis tuǵyryna kóterilý – ár sportshynyń asqaq armany ári ómirlik ustanymy. Elimizdiń sańlaqtaryna da osyndaı baq san márte buıyrdy. Alaıda arada biraz ýaqyt ótkennen soń ruqsat etilmegen dári-dármekti paıdalanǵany úshin jazalanyp jatqandar da bar. Sol sebepti Olımpıada da alǵan júldelerge keıde ózgeris enip jatady. Búgingi maqa­lamyzda 1996-2021 jyldar ótken jazǵy Olımpııa oıyn­darynda alǵan júldelerimizdi qaıta saraptap kórgendi jón sanap otyrmyz.