Gollandııada karton úıler salynatyn boldy
Jaqyn arada Nıderland eli qatty qaǵazdan úıler salýǵa kiriskeli otyr.
Mundaı nysandar bıiktigi 1,2 metr, salmaǵy 0,5 tonna keletin kartondardan turǵyzylmaqshy. Árbir modýl qatty qaǵazdyń ekologııalyq jelimmen bekitilgen 24 qattamasynan quralady. Úı kez kelgen jerge aparyp qurastyra berýge yńǵaıly kórinedi.
Izraıl azamaty kimdi sotqa berdi deısiz ǵoı
Izraılde turatyn bir kisi Haıfa qalalyq sotyna Qudaıdyń ústinen shaǵym túsirdi.
Talap-aryz berýshi Jaratqannyń sońǵy ýaqyttary ózine tym ádiletsiz qarap júrgenine qapaly ekenin bildiredi. Alaıda, munyń jaı-japsaryn ashyp aıta qoımapty. Otyrys hattamasynda Qudaıdyń jaýapker retinde sot prosesine kelmegeni atap kórsetilgen. Sýdıa sonymen birge shaǵymdanýshyǵa «bul másele jóninde basqa jaqqa baryp aryzdanýǵa» keńes beripti.
Brıtanııa qyzy toı aldynda 72 kılo salmaq tastady
Brıtanııalyq 26 jastaǵy boıjetken óziniń úılený toıy qarsańynda 72 kılo salmaq tastap, syptaı bolyp shyǵa keldi.
Áleýmettik jelige osyny dáleldeıtin sýretter salǵan Mıshel Pardo esimdi qyz shekten tys tolyqtyǵyna baılanysty «Tonna táteı» degen laqap at alǵan eken. Ol kúnderdiń kúninde bir jigitti kezdestirip, soǵan ólerdeı ǵashyq bolady. Osydan bastap Mısheldiń ómirine ózgeris enedi. Ol zalaldy taǵamdardy jeýdi toqtatyp, salamatty ómir saltyna kóshedi. Sportpen shuǵyldana bastaıdy. Nátıjesinde qysqa ýaqyttyń ishinde 72 kılogramm salmaq tastaıdy.
Qytaıda Karl Marks týraly rep hıtqa aınaldy
Aspanasty eldinde qazir rep stılinde shyǵarylǵan nemis fılosofy Karl Marks týraly án naǵyz hıt bolyp tur.
Áýendi 90-jyldardan keıin týǵan jas urpaq ókilderi jazǵan eken. Ol marksızm negizin qalaýshyǵa arnalǵan «Marks senimnen tabylyp tur» degen telehabardaǵy 9 saýndtrektiń biri bolǵan. Mını-serıaldyń klıpi jaryqqa shyqqan boıda birden Qytaı ınternetin jaýlap alady. Ony sanaýly ǵana saǵattarda áldeneshe myńdaǵan adam tyńdap úlgeredi.
Italııada ótkir ıisi joq sarymsaq shyǵaryldy
Pıreneı túbeginde turatyn jurtshylyq jaqyn kúnderden beri ózderiniń dástúrli as mázirlerinde ótkir ıisi joq sarymsaqtardy qoldana bastady.
Toskana qalasynda turatyn Alessandro Gýannı men Lorenso Bıankı esimdi ınjenerler bul ósimdiktiń adam tamaǵynda jaǵymsyz ıisi turyp qalmaıtyn jańa túrin oılap tapty. О́nertapqyshtar ony «súıisýge kedergi keltirmeıtin sarymsaq» dep atap otyr. Onyń alone surypty basqa sarymsaqtardan dámi men jupar ıisi jaǵynan esh aıyrmasy joq. Seleksıonerler munyń budan 50 jyl buryn joǵalyp ketken túrdi qaıta jańǵyrtý jolymen jasalǵanyn da moıyndady.
New York Times óz oqyrmandaryna tamaq tasıdy
Amerıkadaǵy New York Times atty ataqty gazettiń qojaıyny bolyp tabylatyn kompanııa osyndaı tujyrymǵa toqtaldy.
Basylym vıse-prezıdenti Elıs Tıng myrza gazet oqyrmandarynyń kóp ýaqyty úıde aýqat ázirleýge ketetinin aıtady. Sondyqtan, redaksııa olardy osy tolassyz abyr-sabyrdan qutqarýǵa sheshim qabyldapty. Sóıtip, basylym endi jurttyń tapsyrystary boıynsha úılerge tamaq tasyp berýdi de qolǵa alǵaly otyr.
Aqparat agenttikteriniń materıaldary
negizinde daıyndaldy