«Dınamo» klýbynyń túlegi Baýyrjan Álı qarsylasyn 57 sekýndta nokaýtpen jeńdi. Taraz qalasynda ótken «ALASH PRIDE FC» lıgasynda jas boksshy kezekti jarqyn jeńisimen erekshelendi, dep habarlaıdy Egemen.kz.
Búginde IIM B.Beısenov atyndaǵy Qaraǵandy akademııasynyń 3-kýrs kýrsanty, polısııa serjanty jekpe-jekti alǵashqy raýndtyń 57-shi sekýndynda aıaqtap, Tájikstan sportshysy Radjabboı Ahmedovti nokaýtqa túsirdi.
Jekpe-jek bastalǵan sátten-aq Baýyrjan qarsylasyna ústemdik tanytyp, birneshe joıqyn soqqysyn boratyp esin aýdardy. Tipti aýyr soqqyǵa qarsylasy shydas bere almaǵanyn baıqaǵan rıngtegi referı jekpe-jekti toqtatty.
Boksshy Nurbek Oralbaı jańa salmaq dárejesine aýysty
Talantty boksshy Baýyrjan Álı buǵan deıin Qaraǵandy qalasynda Ǵ. Jarylǵapovty eske alýǵa arnalǵan halyqaralyq týrnırde chempıon atanyp, kásipqoı boksqa qatysý lısenzııasyn ıelengen bolatyn. Ol bokstan sport sheberi, el chempıony jáne halyqaralyq, respýblıkalyq týrnırlerdiń birneshe dúrkin jeńimpazy.
Jas sportshy búginde Qazaqstan ulttyq quramasynyń múshesi. Baýyrjan oqý men sportty qatar alyp júrip, halyqaralyq arenalarda el namysyn abyroımen qorǵap keledi.