Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Latvııa Respýblıkasynyń Qazaqstandaǵy elshisi Iýrııc Pogrebnıakspen onyń ótinishi boıynsha kezdesti, dep habarlady Senattyń baspasóz qyzmeti.
Kezdesý barysynda taraptar «Dinder terrorızmge qarsy» halyqaralyq konferensııasyna qatysatyn Latvııa Respýblıkasy delegasııasynyń aldaǵy saparyn talqylady.
Elshi Qazaqstan elordasynyń dinı qaıratkerler men ulttyq parlamentter depýtattaryna terrorızm men estremızm qaýpine, dinı tózbeýshilikke qarsy is-qımylda, konfessııaaralyq únqatysýdy ilgeriletý úshin birlesip áreket etýdiń joldaryn ashyq talqylaý úshin ortaq alań usynýdaǵy rólin erekshe atap aıtty.
I.Adyrbekovtiń pikirinshe, «Dinder terrorızmge qarsy» konferensııasyn ótkizý jahandyq deńgeıdegi ultaralyq jáne dinaralyq kelisimdi qoldaý jáne nyǵaıtý máseleleri jónindegi kelisilgen qadamdardy ázirleýge múmkindik beredi.
Senator konferensııaǵa Latvııa parlamenti tóraǵasynyń orynbasary Inese Lıbınıa-Egnere bastaǵan delegasııanyń qatysý josparyna rızashylyq bildirdi