Jalpy bilim beretin mektepter túlekteriniń biryńǵaı ulttyq testileý tapsyrýǵa sanaýly ýaqyt qaldy. Abaı atyndaǵy kitaphana qyzmetkerleri «Januıa ortalyǵy» qoǵamdyq qorymen birlesip, Ozerka aýylynyń orta mektebinde mektep bitirýshi túlekterge arnap bıblıodesant ótkizdi.
Sharanyń maqsaty: oqýshylardy biryńǵaı ulttyq testileýge psıhologııalyq turǵyda daıyndaý, qorqynysh pen ishteı qınaǵan sezimderden qutylýǵa kómek kórsete otyryp, boılaryna senimdilik uıalatý, durys jol tańdaı bilýge úıretý jáne jasóspirimder nazaryn kitap oqýǵa tartý. Ulttyq biryńǵaı test tapsyrýǵa psıhologııalyq kómek retinde ótkizilgen is-shara barysynda 11-synyp oqýshylary jalpy test týraly oılaryn ortaǵa salyp, psıhologııalyq suraqtarǵa jaýap berip, sergitý jattyǵýlaryn jasady.
Kitaphanalyq bıblıodesantty uıymdastyrýshy kitaphana qyzmetkerleri orta mekteptiń muǵalimderi men oqýshylaryna kitaphananyń tarıhy men qyzmet baǵyttaryn jáne úıirmeler men klýbtardyń jumystarymen tanystyrdy. Pán muǵalimderine oqý úderisine, synyptan jáne mektepten tys ótetin is-sharalarǵa kómek retinde ádistemelik quraldar men merzimdi basylymdar usynyldy.
Bıblıodesant sońynda muǵalimder men oqýshylaryna «Bir el – bir kitap», «Dýlat Babataıuly», «Danalyq darııasy», «Abaı kitaphanasynyń sırek basylymdary», «Internet ortalyǵynyń qyzmetteri» taqyrybynda daıyndalǵan býkletter, short-paraqtar taratyldy.
Aıgúl MYRZALINA,
Abaı atyndaǵy kitaphananyń damytý